Աբորտ

[Hasik]

Սիրելի ֆորումցիներ ինչպե՞ս եք վերաբերում աբորտին (հղիության արհեստական ընդհատմանը)։

Խնդրում ենք հնարավորության սահմաններում հիմնավորել Ձեր պատասխանները

[Hasik]

        Սիրելի լուսամուտցիներ առ ի տեղեկություն ցանկանում եմ նշել, որ աբորտը (հղիության արհեստական ընդհատումը) մեր երկրում օրենսդրական ամրագրում է ստացել դեռևս 1998թ.–ից ՀՀ առողջապահության նախարարության թիվ 778 հրամանով, իսկ 2004թ.՝ ՀՀ Կառավարության թիվ 1116 որոշմամբ։
       Իսկ ինչո՞մ է կայանում այդ օրենսդրական ամրագրումը.
Թույլատրվում է հղիության արհեստական ընդհատման վիրահատության ենթարկել մինչև 12 շաբաթական (ներառյալ) հղիության ժամկետը` բոլոր այն կանանց, ովքեր ցանկանում են ընդհատել հղիությունը և չունեն Հայաստանի Հանրապետության կառավարության 2004 թվականի օգոստոսի 5-ի N 1116-Ն որոշմամբ սահմանված բժշկական հակացուցումներ, իսկ 12-ից մինչև հղիության 22 շաբաթական ժամկետում թույլատրվում է կատարել հղիության արհեստական ընդհատում` Հայաստանի Հանրապետության կառավարության որոշմամբ սահմանված բժշկական և սոցիալական ցուցումների առկայության դեպքում ։
       Ընդ որում, նման գործունեություն կարող են կատարել միայն համապատասխան լիցենզիա ունեցող բուժհաստատությունները։

       Այսինքն՝ վերը նշված կարգի և պայմանների խախտմամբ կատարված աբորտի դեպքում համապատասխան անձինք կենթարկվեն պատասխանատվության  ՀՀ օրենսդրությամբ սահմանված կարգով։ 

[Hasik]

ՀՀ Կառավարության որոշման համաձայն՝ աբորտի բժշկական հակացուցումներն են 
ա) կանանց սեռական օրգանների սուր և ենթասուր բորբոքային հիվանդությունները,
բ) ցանկացած տեղակայման սուր և ենթասուր բորբոքային վիճակները,
գ) սուր վարակիչ հիվանդությունները:
Այլ հակացուցումների առկայության դեպքում հարցը լուծվում է անհատականորեն` ելնելով կոնկրետ իրավիճակից:

Այսինքն՝ վերը նշված բժշկական հակացուցումների առկայության դեպքում ցանկացած կին չի կարող  մինչև 12 շաբաթական հղիության ժամկետն այն արհեստականորեն ընդհատել։

[Hasik]

ՀՀ Կառավարության որոշմամբ սահմանվել են նաև աբորտի սոցիալական ցուցումներ, որոնց առկայության պարագայում թույլատրվում է աբորտ կատարել  մինչև հղիության 22 շաբաթական ժամկետը։ Դրանք են՝
ա/հղիության ընթացքում ամուսնու մահը
բ/կնոջ կամ ամուսնու ազատազրկման վայրում գտնվելը
գ/հղիության ժամանակ մայրական իրավունքից զրկվելը
դ/ամուսնալուծությունը հղիության ժամանակ
գ/հղիությունը բռնաբարությունից հետո։

[TILIL]

Ողջույն սիրելի ֆորումցիներ
Ասեմ, որ ես ամբորտին խիստ բացասական եմ վերբերում: 41:)Հիմնավորեմ պատասխանս. նախ,իհարկե Հասիկը շատ լավ ներկայացրել է օրնսդրական ամրագրումը, բայց միևնույն է անկախ աբորտի օրնականությունից ես դեմ եմ, քանի որ կարծում եմ դա այն հարցն է, որ ավելի շատ պետք է նայել հոգևոր տեսանկյունից, չէ որ մենք գործ ունենք մարդու հետ, այդ քալով սպանում ենք մարդ, հոգի, մի խոսքով այդպիսի բան անելը անթույլատրելի է, անկախ նրանից թե քանի շաբաթական է պտուղը:Երկրորդ` դեմ եմ անգամ աբորտ անելու այն դեպքերին, երբ կինը հղիացել է բռնի գործողությունների արդյունքում, ոչ պլանավորված... միևնույն է բոլոր այս դեպքերում ես դիտում եմ դա որպես անմեղ երեխայի սպանություն, որ որևէ արդարացում չունի : Երևի դեռ այսքանը, բայց ես կուզենայի, որ այդ երևույթին բացասական վերբերողներս միայն մեր վերաբերմունքը չարտահայտեինք,այլև որևէ կերպ փորեինք կանխել, եթե դա կարվի այնպիսի մարդկանց կողմից, ում մենք կարող ենք հակառակում համոզել, թեկուզ շատ ջանք թափելով:
Եվ մի հարց կուզեյի տալ, եթե գիտեք խնդրում եմ պատասխանեք իմ հարցին:Մի անգամ, երբ վիճում էին աբորտի դեմ եղեցական դիրքորոշման մասին ինձ ասացին, թե Հայ Սուրբերից մեկ գրել է թե մինչև երկու շաբաթական (եթե չեմ սխալվում) հղիությունը կարելի է ընդհատել, քանի որ պտուղը երկու շաբաթից հետո է հոգի ունենում:
Ասեք խնդրեմ կա արդյոք այպիսի գրվածք և որ Սուրբի կողմից?:

[Ղուկաս Վահան]

Անձամբ ես նման բան որևէ սրբի մոտ չեմ կարդացել։

[Nane]

Եվ մի հարց կուզեյի տալ, եթե գիտեք խնդրում եմ պատասխանեք իմ հարցին:Մի անգամ, երբ վիճում էին աբորտի դեմ եղեցական դիրքորոշման մասին ինձ ասացին, թե Հայ Սուրբերից մեկ գրել է թե մինչև երկու շաբաթական (եթե չեմ սխալվում) հղիությունը կարելի է ընդհատել, քանի որ պտուղը երկու շաբաթից հետո է հոգի ունենում:
Ասեք խնդրեմ կա արդյոք այպիսի գրվածք և որ Սուրբի կողմից?:

Տաթևացու <Գիրք Հարցմանց>-ում պտուղի հոգի ունենալու մասին կա հետևյալ հատվածը.
<Եւ յետ այնորիկ յեօթներորդէ աւուրն սկսանի արիւնածուծ լինիլ յագանդէ մօրն ընդ պորտն` որպէս դդում և ձմերուկ ընդ կոթն: Ապա կազմէ զձև զգայականին մինչև ի Ի (20) օրն: ...Եւ ի ԻԱ (21) աւուրցն ի վեր երևեալ շնչոյն ձևակերպէ զկերպ մարդոյ մինչ ի Խ (40) օր արու մանկան, և իսկույն հեղի ի նա հոգի բանական և շնորհացն Աստուծոյ ծագեալ ի նա: Եւ էգն հոգեւորի  յետ Ձ (80) աւուր` որպէս ասացաք զպատճառն վասն տեղւոյն ցրտութեան, որ է ձախ կողմն արգանդին, որ ցուրտ գոլով վասն փայծաղանն, հապաղէ զկազմուած նիւթոյն ի կրկնապատիկ ժամանակս Ձ (80) աւուրց>:

Սա պարզապես Տաթևացու տեսակետն է, բայց նույնիսկ եթե այն ճիշտ լինի, սրանով չի կարելի արդարացնել հղիության արհեստական ընդհատումը:

Ամեն դեպքում սա շատ-շատ նուրբ հարց է:

[Ղուկաս Վահան]

Ստացվեց, որ ըստ Տաթևացու երեխան 40-րդ օրից է հոգևորվում, ճի՞շտ է։
Իսկ մինչ այդ 40 օրերը պտղի հեռացման մասին նա որևէ մի տեղ նշո՞ւմ է՝ կարելի՞ է հեռացնել, թե ոչ։

[vahan]

[/quote]
Տաթևացու <Գիրք Հարցմանց>-ում պտուղի հոգի ունենալու մասին կա հետևյալ հատվածը.

[/quote]
հարգելի մասնակիցներ՜ ի՞նչ կլիներ .մինչև  այլոց կողմի  մեկնություններ մեջ բերելը։մեկ մեկ ել.   տեսնեինք. թե ինչ է ասում կտակարանը՝տվյալ հարցի վերաբերյալ։եթե անհասկանալի կլինի.նոր անցնենք մեկնություններին։
Նանե ջան .դու էլ. գուցե մատչելի լեզվով գրեի՞ր։ես ոչինչ չեմ հասկանում։

[Nane]

Ստացվեց, որ ըստ Տաթևացու երեխան 40-րդ օրից է հոգևորվում, ճի՞շտ է։
Իսկ մինչ այդ 40 օրերը պտղի հեռացման մասին նա որևէ մի տեղ նշո՞ւմ է՝ կարելի՞ է հեռացնել, թե ոչ։

Ոչ, ոչ, ոչ...
Տաթևացին պտղի հեռացման մասին խոսք անգամ չունի իր ողջ գրական ժառանգության մեջ, և կարծում եմ, միջնադարյան որևէ հեղինակ /որքանով ես ծանոթ եմ/: Նա պարզապես այս հատվածը բերում է իր մարդակազմության տեսության մեջ:
Ամեն դեպքում. 40-րդ օրը նա բանական հոգի է ունենում, բայց մինչ այդ, 7- րդ օրից մինչև 40-րդ օրը արդեն սկսում են ձևավորվել հոգու ցանկական և զգայական մասերը /Այս մասին խոսել եմ Հոգի բաժնում/: Այսինքն, 7-րդ օրից սկսած պտուղը ունի արդեն զգացողություն, թեկուզ <Ձմերուկի պես>, հետո <կենդանու>, և վերջում` 40-րդ օրից սկսած` մարդու:   Սա ոչ միայն հոգու, այլև մարմնի զարգացմանը կարող է վերաբերել: