Քրիստինե կույսը Փյունիկեցի էր, կառավարչի դուստր: Բարձր աշտարակ կառուցելով և ոսկե ու արծաթե կուռքեր տեղադրելով՝ հայրն իր դեռատի դստերը կարգում է քրմուհի: Բայց Քրիստինեն, երկնային ներշնչումով ըմբռնելով քրիստոնեության վեհությունը և հեթանոսության ոչնչությունը, փշրում է կուռքերը, վաճառում է դրանք և գումարը բաշխում աղքատներին, որի համար և անասելի չարչարանքների է ենթարկվում ու նահատակվում: