Սուրբ Մինասը, Երմոգինեսը և Գրաբոսը (Դ. դ.) նահատակվել են Մաքսիմինոս կայսեր օրոք, Ալեքսանդրիայում:
Ս. Մինասը կայսեր կողմից ուղարկվում է Ալեքսանդրիա՝ այդ խռովահույզ քաղաքը հանդարտեցնելու: Քրիստոնյաների հանդեպ ցուցաբերած իր հանդուրժողականությունը պատճառ է դառնում, որ բացահայտվի Մինասի և իր դիվանադպիր Գրաբոսի քրիստոնյա լինելը: Նրանց դատելու համար կայսրը մեկ այլ ուսյալ աթենացի է ուղարկում՝ Երմոգինեսին: Նա փորձում է ճարտասանությամբ դարձի բերել Մինասին, սակայն պարտվում է: Զայրացած Երմոգինեսը կտրել է տալիս Մինասի լեզուն և աչքերը փորել տալիս: Հաջորդ օրը, սակայն, տեսնում է հրաշքով բժշկված Մինասին, որից ազդված՝ ինքն էլ է քրիստոնյա դառնում: Այս մասին լսում է կայսրը, անձամբ գալիս է Ալեքսանդրիա և երեքին էլ գլխատել է տալիս:
Հայ Առաքելական Եկեղեցին Ս. Մինասի, Երմոգինեսի, Գրաբոսի, Հովհաննես և Ալեքսիանոս կամավոր աղքատների հիշատակը տոնում է Հիսնակաց պահքի Գ. կիրակիին հաջորդող երկուշաբթի օրը:
0 կարծիք