Մանկատների պատանեկանի ընթացքի մասին

[Տ. Տաթև քհն.]

Ողջույն բոլորին, այստեղ կփորձենք հնարավորինս տեղյակ պահել մանկատներում անցկացվող պատանեկան մրցույթի  ընթացքի մասին: Ուրախությամբ նշենք, որ մրցույթի մեկնարկն արդեն տրվել է նոյեմբերի 6-ին Գավառի մանկատուն կատարած այցով, ինչի մասին գրվել է համանուն թեմայում, հաջորդ օրը Թաթուլ սարկավագը, Թիլիլն ու Հելենը այցելել են Զատիկ մանկատուն: Սույն մանկատներում արդեն ներկայացվել է մեր մրցույթի թեման, և հաջորդ շաբաթվանից հուսով ենք, որ մենք արդեն առիթ կունենանք գնահատել պատանիների աշխատանքները:
Այսօր Սեյրան սրկ.-ն ու Արաքսը, որոնց միացանք նաև Չերրին ու ես, այցելեցին ՍՕՍ մանկական գյուղ: Մեզ շատ բարյացակամ կերպով ընդունեց մանկ. գյուղի տնօրենը` պարոն Հովվհաննեսը, որը ծանոթանալով մեր ծրագրին, օժանդակելու  պատրաստակամություն հայտնեց: Շնորհակալություններ պրն Հովհաննեսին :
Այնուհետ բարեհամբույր Արմեն քեռին մեզ առաջնորդեց մանկ. գյուղի տնակներից մեկը, որտեղ մենք հյուրընկալվեցինք փոքրիկ մի ընտանիքում: Այնտեղ բալիկները մեզ հյուրասիրեցին թեյ, սուրճ և քաղցր համով բաներ..........Սեյրան սրկ-ն մատերը հետը կերավ .........
Հանկարծ մանկապարտեզից վերադարձավ տան փոքրիկ իշխանը, և ամբողջ տունը լցվեց խինդ ու ծիծաղով:
Թեև սույն այցի ընթացքում մեր բուն նպատակին չհասանք` երեխաների մեծ մասի`գյուղից բացակայության պատճառով. մեկնել էին Գառնի -Գեղարդ, սակայն մի շատ կարևոր հանդիպում տեղի ունեցավ գյուղում լրագրության խմբակի պատասխանատուի հետ: Պայմանավորվածություն ձեռք բերվեց ամեն հինգշաբթի համատեղել մեր ծրագիրը և լրագրության խմբակի պարապմունքները` առավելագույն արդյունքի հասնելու համար:
Համոզված ենք, որ ՍՕՍ մանկ. գյուղում ևս ծրագիրն իր հաջող ընթցքը կունենա

[MONK]

Այնտեղ բալիկները մեզ հյուրասիրեցին թեյ, սուրճ և քաղցր համով բաներ..........Սեյրան սրկ-ն մատերը հետը կերավ .........

Դե լավ, Արս,  խոստովանիր, որ դու էլ Սեյրանից հետ  չես մնացել

[Տ. Տաթև քհն.]

Մոնկ յան կարծում եմ, որ եթե դու էլ այնտեղ լինեիր, ինչն ավելի ողջունելի կլիներ, երևի ոչ միայն առանց մատ հետ գայիր, այլև մինչև ուշ երեկո վայելեիր այդ հյուրասիրությունը...

[MONK]

Արս ջան, ես որ այնտեղ լինեի, չգիտեմ առանց մատի հետ կգայի, թե առանց ոտի, բայց հաստատ հաջորդ անգամ մեզ այնտեղից ավելներով կքշեին 

[ARAKS]

Այսօր ես և Սեյրան սարկավագն այցելեցինք ՍՕՍ մանկատուն, որտեղ և փորձեցինք իրականացնել ծրագրի առաջին քայլերը: Երեխաները շատ աշխույժ էին և չարաճճի, հակառակ մեր սպասումների:Սեյրան սարկավագը փորձեց հնարավորինս հետաքրքիր ներկայացնել ծրագիրը և առաջին թեման: Այսօրվա արդյունքները կերևան հաջորդ այցելության ժամանակ, ըստ ստեղծագործությունների քանակի և որակի: Հուսով եմ, որ մեր ակնկալիքները կարդարացվեն:    

[CHERRY]

Չգիտե՞մ, Սեյրան սրկ-ն մատները կերել է, թե ոչ, բայց Հելենն ու Թիլիլն հաստատ կերել են, դրա համար էլ չեն կարողանում գրել :

[Maro]

Մենք դա նկատեցինք, Աննա ջան:

[Maro]

Ինչու են մասնակիցները ակումբի այսքան պասիվ?

[CHERRY]

Ինչու են մասնակիցները ակումբի այսքան պասիվ?

Մարո ջան փորձում ենք ուղղվել

[CHERRY]

Ողջույն, ֆոռումցիներ! 
Այսօր, դեպի Գավառի մանկատուն, մեզ ուղեկցեցին ձյան ճերմակ առաջին փաթիլները: Ճանապարհը մառախլապատ էր և ցուրտ, բայց մանկատուն հասնելուն պես` երեխաների ջերմությունից մենք տաքացանք:
Այսօրվա հանդիպումը կարճատև էր` երեխաները շտապում էին համերգի: Սակայն  վերադարձանք նրանց ստեղծագործություններով, որոնք շուտով կներկայացնենք ձեզ: