Սովորեցնում եմ գրաբար

[VAHAG]

Շատ զարմացած եմ,չգիտեմ ինչ հարցնեմ:
Դուռը կռել կոփել նշանակում է աղջիկ ուզե՞լ:

Այո՛

Ոնց որ հասկացա,ինձ թվում է որ արդեն սկսելու ենք սովորել այսպիսի նախադասությունների իրական իմաստները:

[Masnaget]

Այո, գրաբարը դարձվածքների հարուստ պաշար ունի:

Թարգմանեցեք այս մի քանի նախադասությունները. սրանք համեմատաբար հեշտ են:

***

Պաղատանք առ Ս. Խաչ

Աստուած ամենակարող, որ վասն իմոյ մեղացս, մեռար ի վերայ խաչափայտին, լեր ընդ իս հանապազ աղաչեմ զՔեզ:
********************************************************************************

Մեղայ հոգւովս եւ զօրութեամբ սորա, մտօքս եւ շարժմամբ սորա, մարմնովս եւ զգայութեամբ սորա: Մեղա զօրութեամբ հոգւոյս` խորամանկութեամբ, անզգամութեամբ, յանդգնութեամբ եւ երկչոտութեամբ, շռայլութեամբ եւ ժլատութեամբ, զեղխութեամբ եւ անիրաւութեամբ, չարահաւանութեամբ, յուսահատութամբ եւ թերամտութեամբ, մեղայ Աստուծոյ:
******************************************************************

Արտասուալից աչօք ի ծունր իջեալ աղերսեմ:
******************************
Այլ եւ մեղայ ամենայն պատուիրանացն Աստուծոյ` յանձնառելեացն եւ հրաժարելեացն, զի ոչ զյանձնառականսն կատարեցի եւ ոչ ի հրաժարելեացն հեռացայ: Զօրէնս առի եւ յօրինացն հեղգացայ, ի կարգս քրիստոնէութեան հրաւիրեցայ եւ գործովս անարժան գտայ, գիտելով զչարն` կամաւ կորացայ եւ ի բարեաց գործոց ես ինձէն հեռացայ. վայ ինձ, վայ ինձ, վայ ինձ: Զորն ասեմ կամ զորն խոստովանիմ, զի անթիւ են յանցանք իմ, անասելի են անօրէնութիւնք իմ, աններելի են ցաւք իմ եւ անբժշկելի են վէրք իմ, մեղայ Աստուծոյ:
********************

[Masnaget]

Ուզում եմ ժամանակավորապես փակել գրաբարի և աշխարհաբարի դասասենյակների դռները` հաշվի առնելով պահանջարկի նվազ լինելը: Մի քիչ էլ հանգստի կարիք ունեմ, դրա համար: Որոշ ժամանակ անց կրկին կբացեմ: Կարող են մասնակիցներ էլ գրանցվել: Համեցեք:

[Ղուկաս Վահան]

Նանե ջան .դու էլ. գուցե մատչելի լեզվով գրեի՞ր։ես ոչինչ չեմ հասկանում։

Վահան ջան, այդ անմատչելի լեզուն մեր թանկագին գրաբարն է, որով գրված Աստվածաշունչը մասնագետների կողմից որակվել է որպես «Թարգմանությունների թագուհի»։
Կառաջարկեի մասնակցեիք   Մասնագետի դասընթացներին, և ինչո՞ւ չէ՝ սկսելով հենց Նանեյի մեջբերած տողերից։

Հ.գ.
Ես Ձեզ մի տեղ չեմ պատասխանել, բայց չեմ մոռացել

[Masnaget]

Հիանալի տողեր են. ո՞վ կփորձի թարգմանել:


<Եւ յետ այնորիկ յեօթներորդէ աւուրն սկսանի արիւնածուծ լինիլ յագանդէ մօրն ընդ պորտն` որպէս դդում և ձմերուկ ընդ կոթն: Ապա կազմէ զձև զգայականին մինչև ի Ի (20) օրն: ...Եւ ի ԻԱ (21) աւուրցն ի վեր երևեալ շնչոյն ձևակերպէ զկերպ մարդոյ մինչ ի Խ (40) օր արու մանկան, և իսկույն հեղի ի նա հոգի բանական և շնորհացն Աստուծոյ ծագեալ ի նա: Եւ էգն հոգեւորի  յետ Ձ (80) աւուր` որպէս ասացաք զպատճառն վասն տեղւոյն ցրտութեան, որ է ձախ կողմն արգանդին, որ ցուրտ գոլով վասն փայծաղանն, հապաղէ զկազմուած նիւթոյն ի կրկնապատիկ ժամանակս Ձ (80) աւուրց>:

Իմիջիայլոց, հարկ եմ համարում վերսկսել գրաբարի և աշխարհաբարի դասընթացները: Լավ կլիներ, որ գոնե գրաբարի լսարանում ուսանողներ լինեին. աշխարհաբարինը հեշտ է. գերազանցապես դասախոսություններ են լինելու: Հերթագրվորները կարող են կարդալ մինչև հիմա գրված դասերը գրաբարի լսարանում, իսկ առաջ գնալու համար գոնե մեկի համաձայնությունն է հարկավոր:

Իմ առաքելությունը Լուսամուտում գլխավորապես իմ իմացածն ուսուցանելու նպատակ է հետապնդում: Այլապես անիմաստ եմ համարում ներկայությունս:

[vahan]

Իմ առաքելությունը Լուսամուտում գլխավորապես իմ իմացածն ուսուցանելու նպատակ է հետապնդում: Այլապես անիմաստ եմ համարում ներկայությունս:

Մասնագետ՜ խորապես հարգում եմ գո գիտելիքների պաշարը։բայց կարծում եմ.  չի կարելի անընդհատ տալ։ մեկ մեկ էլ պետք է ընդհունել։
ամեն դեպքում. ես գոռոզ չլինեմ. ու այս բնագավառում. փորձեմ աշակերտել քեզ։հիմա կաշխատեմ  մոտավոր թարգմանել։

[vahan]

և յոթներորդ օրից հետո սաղմը պորտալարով ամրանում է մոր արգանդին՝ ինչպես որ  դդումն ու ձմերուկը  իր  կոթին։ ապա մինչև 20 օրեկանը՝ կազմավորվում էն զգայարանները։հապա մինչև 40 օրականը կազմավորվում են շնչառական օրգանները։ այնուհետև Աստծո շնորքով  արու պտուղը ստանում է բանական հոգի։իսկ էգ պտուղը. հոգին առնում է 80 րդ օրը.այն պատճառով. որ էգ պտուղը արգանդի ձախ կողմում է  և  ջերմության նվազ լինելու  պատճառով  պտղի ձևավորումը կրկնակի օրով ավելանում է։

[vahan]

 

[vahan]

Ընկեր Մասնագետ. սիրով սպասում եմ սխալներիս շտկմանը։
միայն խնդրում եմ.  սովորությանդ համաձայն  չանտեսես հարցս

[Masnaget]

Ընկեր Մասնագետ. սիրով սպասում եմ սխալներիս շտկմանը։
միայն խնդրում եմ.  սովորությանդ համաձայն  չանտեսես հարցս

Վերջապես գրեցի, բայց այս էլ արդեն երկու անգամ է, ինչ չեմ կարողանում պատասխանս տեղադրել. նման է այն բանին, որ ես ուզում եմ խոսել, դու քո խոսքով ինձ ընդհատում ես: Փորձում եմ տեղադրել պատասխանը, մեկ էլ տեսնում եմ Lusamut.net-ը զգուշացնում է, որ <մինչ ես պատասխան էի գրում, նոր պատասխան է արդեն տեղադրվել>. ու ես արդեն երկու անգամ փոխեցի գրելիքս: Թող խոսեմ, լա՞վ...

Quote from: vahan on Today at 01:34:05 AM

և յոթներորդ օրից հետո սաղմը պորտալարով ամրանում է մոր արգանդին՝ ինչպես որ  դդումն ու ձմերուկը  իր  կոթին։ ապա մինչև 20 օրեկանը՝ կազմավորվում էն զգայարանները։հապա մինչև 40 օրականը կազմավորվում են շնչառական օրգանները։ այնուհետև Աստծո շնորքով  արու պտուղը ստանում է բանական հոգի։իսկ էգ պտուղը. հոգին առնում է 80 րդ օրը.այն պատճառով. որ էգ պտուղը արգանդի ձախ կողմում է  և  ջերմության նվազ լինելու  պատճառով  պտղի ձևավորումը կրկնակի օրով ավելանում է։

Ընդհանուր առմամբ բավարար է, սակայն կուզենայի, որ <ընդ>-ով ձևերին հատուկ ուշադրություն դարձնես, լա՞վ:
Մեկ էլ փորձիր և ուշադիր եղիր այս կառույցները թարգմանելիս.
յեօթներորդէ աւուրն
սկսանի արիւնածուծ լինիլ յագանդէ
ընդ պորտն*
ընդ կոթն*
կազմէ զձև զգայականին
ձևակերպէ զկերպ մարդոյ
հեղի ի նա հոգի բանական
վասն տեղւոյն ցրտութեան
ի կրկնապատիկ ժամանակս
<ընդ>-ով ձևերը ճիշտ թարգմանելու համար կարդա սա.
http://www.armtown.com/forum/index.php?showtopic=314&st=60

ցուրտ գոլով վասն փայծաղանն-փայծաղի պատճառով ցուրտ լինելով