362 թվականի փետրվարի 17-ին ծնվեց հայոց գրերի ստեղծող, հայ գրչության, հայագիր դպրոցի հիմնադիր և հայերենի առաջին ուսուցիչ Մեսրոպ Մաշտոցը:

1811 թվականի փետրվարի 17-ին հիմնվում է Վիեննայի Մխիթարյան միաբանությունը:

1888 թվականի փետրվարի 17-ին Թիֆլիսում մահացավ հայ նշանավոր պատմավիպասան Ծերենցը՝ Հովսեփ Շիշմանյան:

1908 թվականի փետրվարի 17-ին կազմակերպվեց Թեհրանի Հայոց Ազգային խորհուրդը: 1911 թ. պաշտոնապես ճանաչվեց պետության կողմից և կոչվեց «Թեհրանի հայոց համայնական վարչություն»:

1992 թվականի փետրվարի 17-ին Ղարաբաղյան ինքնապաշտպանական ուժերը գրավեցին ռազմավարական մեծ նշանակություն ունեցող Ղարադաղլուի ադրբեջանական ռազմական հանգույցը: