Սուրբ Սարգիս զորավար

Բաժին՝ Սրբեր

Ամեն տարի Հայ Եկեղեցին Առաջավորաց պահքից հետո նշում է Քրիստոսի անպարտելի նահատակ սուրբ Սարգիս զորավարի հիշատակը: Ըստ վարքագրական աղբյուրների՝ սբ. Սարգիսը կապադովկյան Կեսարիա քաղաքից էր՝ ժամանակակիցը Մեծն Կոստանդիանոսի և հայոց Տրդատ թագավորի:

Սագիս զորավարը, զարդարված լինելով սբ. Հոգու յոթնարփյան շնորհներով, իր աղոթասիրության, խոնարհության և արիության շնորհիվ պատերազմների ժամանակ միշտ հաղթանակ էր տանում: Սուրբը օգնում էր բոլոր կարիքավորներին, որի համար շարականագիրը նրան անվանել է «երագահաս»՝ բոլորին արագ օգնության հասնող: Նրա բարի համբավն այնքան էր տարածվել, որ Կոստանդիանոս կայսրը, ի վարձատրումն վերջինիս հայրենի երկրին բերած ծառայությունների, արժանացնում է ստրատեգի աստիճանի:

361 թ. հռոմեական կայսր է դառնում Հուլիանոս Ուրացողը, որն սկսում է հալածել քրիստոնյաներին: Սբ. Սարգիսն աստվածային նախախնամությամբ իր միամորիկ որդու՝ Մարտիրոսի հետ գալիս է Հայաստան և ճոխ ընդունելություն գտնում հայոց Տիրան արքայից, ապա անցնում է հարևան Պարսկաստան՝ Շապուհ արքայի մոտ: Այստեղ էլ սուրբին Աստված բազում հաղթանակներ է պարգևում: Շատեր նրա խոսքերին ունկնդիր դարձի են գալիս և մկրտվում: Այդ ժամանակ ոմանք չարի դրդմամբ չարախոսում են Շապուհ արքայի առաջ սրբի մասին՝ ասելով, թե նա ապստամբել է արքայի դեմ՝ քարոզելով Աստծո խոսքը: Հայր և որդի գնում են արքունիք՝ Շապուհին ներկայանալու: Վերջինս կուռքերի տոնին մի տոնախմբություն է կազմակերպում՝ կարգադրելով, որ սբ. Սարգիսն ու իր որդի Մարտիրոսը զոհ մատուցեն չաստվածներին ու խունկ ծխեն նրանց առաջ: Սակայն սբ. Սարգիսն ու իր որդին հավատարիմ են մնում իրենց Աստծուն: Բազում տանջանքներից հետո նրանք և 14 զինվորներ նահատակվում են 363 թ. հունվարի 31-ին:

Ըստ ավանդության՝ սբ. Մեսրոպ Մաշտոցը հետագայում սրբի մարմինը տեղափոխում է Հայաստան՝ Աշտարակի շրջանի Կարբի գյուղ, ուր և եկեղեցի է կառուցում նրա անունով:

Երանելի սբ. Սարգիս զորավարը ժողովրդի ամենասիրված սուրբերից է։ Նրա անվան հետ կապվում են բազմաթիվ հրաշքներ ու ժողովրդական սովորություններ:

Հատկորոշիչներ՝ զորավար, Սարգիս

ԹՈՂՆԵԼ ՄԵԿՆԱԲԱՆՈՒԹՅՈՒՆ

0 Comments

Խմբագրի ընտրանի

Քրիստոնեական բարոյականության սկզբունքների կիրառելիության մասին

Հարցազրույց Ռալֆ ՅԻՐԻԿՅԱՆԻ հետ։ – Ցանկացած մարդ, եթե քիչ թե շատ ազնիվ է գոնե ինքն իր նկատմամբ, հոգու խորքում հիանալիորեն գիտի, թե ինչն է բարի, աստվածադիր բարոյականության նորմերին հարազատ, ինչը՝ ոչ։ Հոգին...

read more

Ինչպե՞ս չդառնալ երկու տիրոջ ծառա

Հարցազրույց Կյուրեղ քահանա ՏԱԼՅԱՆԻ հետ։ Երկրային բարիքներ և երկնային արժեքներ. հավերժական հակադրությո՞ւն է, թե՞ չբացահայտված ներդաշնակություն... Ինչպե՞ս ապրել կյանքը, որ հոգևորն ու մարմնավորը չհակադրվեն։ Ավելին` ինչպե՞ս համադրել...

read more

Այլ նյութեր

Սուրբ Փոկաս հայրապետ

Սուրբ Փոկաս հայրապետի մասին

Քրիստոսի 72 աշակերտները

Բացի 12 առաքյալներից Հիսուս ուներ նաև 72...

Սուրբ Սահակն ու սուրբ Համազասպ իշխանները

Սուրբ Սահակն ու սուրբ Համազասպն († 786)...