Սուրբ Սահակ և սուրբ Մեսրոպ

Սուրբ Սահակ Պարթև Հայրապետը Ներսես Մեծ կաթողիկոսի որդին էր, սուրբ Գրիգոր Լուսավորչի տոհմի վերջին ներկայացուցիչը, որ 387 թ. սկսած 52 տարի եղել է հայոց հայրապետական աթոռի գահակալը։ Լինելով կրթյալ և հմուտ երաժշտական, հռետորական արվեստների, իմաստասիրության և լեզվագիտության մեջ, Սահակ Պարթևը մեծագույն նպաստ է բերել հայ ազգային մշակույթի զարգացմանը, եղել հայոց գրերի ստեղծման ջատագովը, Մեսրոպ Մաշտոց վարդապետի հետ դարձել հայ դպրության ու եկեղեցական մատենագրության հիմնադիր։

Սբ Մեսրոպ Մաշտոցը ծնվել է 360 թ., մանուկ հասակից սովորել հունարեն և պարսկերեն: Սկզբում պաշտոնավարել է արքունիքում որպես արքունի դպիր: Սակայն հետո թողնում է աշխարհիկ կյանքը, դառնում հոգևորական՝ ապրելով խիստ ճգնողությամբ: Քարոզչության ընթացքում Սբ Մեսրոպը զգում է հայ տառերի և հայագիր Աստվածաշունչ ունենալու կարևորությունը: Հայաստանում կային հայկական նշանագրեր, որոնք ժամանակին գործածում էին քրմերը: Այդ նշանագրերը Վռամշապուհ արքայի հրամանով Վահրիճ իշխանը բերում է Դանիել Ասորի եպիսկոպոսի մոտից, սակայն Մեսրոպը, մի կարճ ժամանակ ուսուցանելով իր աշակերտներին այդ տառերով, տեսնում է, որ նշանագրերն անկատար են: Նա աշակերտների հետ մեկնում է Եդեսիա, Ամիդ, աստվածային զորությամբ հղանում հայոց տառերը և Սամոսատում Հռոփանոս անունով մի հույն գրչի հետ վերջնականապես ձևավորում դրանք:

Տառերի գյուտից հետո Սբ Սահակն ու Սբ Մեսրոպը սկսում են Աստվածաշնչի թարգմանությունը և այնպես կատարյալ կերպով են կատարում այն, որ Աստվածաշնչի հայերեն թարգմանությունը դարեր հետո կոչվում է Աստվածաշնչի թարգմանությունների թագուհի: Աստվածաշնչից հայերեն թարգմանած առաջին նախադասությունը Առակաց գրքի առաջին նախադասությունն է. «Ճանաչել զիմաստություն և զխրատ, իմանալ զբանս հանճարոյ»: Մեսրոպ Մաշտոցը վախճանվել է Վաղարշապատում և թաղվել Օշական գյուղում: Ինչպես վկայում է ավանդությունը, Սբ Մեսրոպի դին Օշական տեղափոխելու ողջ ճանապարհին նրա վրա երկնքից լուսե սյուն է իջել և ուղեկցել նրան մինչև գերեզման: Նրա գերեզմանի վրա հետագայեում կառուցվել է Սբ Մեսրոպ Մաշտոց եկեղեցին:

Տարվա ընթացքում Հայ եկեղեցին սուրբ Սահակ Պարթևի և սուրբ Մեսրոպ Մաշտոցի հիշատակը տոնում է երկու անգամ, որոնցից երկու սրբերի տոնը միասնաբար նշվում է Հոգեգալստյան չորրորդ կիրակիին հաջորդող հինգշաբթի օրը։

Հատկորոշիչներ՝ Մաշտոց, Մեսրոպ, Պարթև, Սահակ

ԹՈՂՆԵԼ ՄԵԿՆԱԲԱՆՈՒԹՅՈՒՆ

0 Comments

Խմբագրի ընտրանի

Քրիստոնեական բարոյականության սկզբունքների կիրառելիության մասին

Հարցազրույց Ռալֆ ՅԻՐԻԿՅԱՆԻ հետ։ – Ցանկացած մարդ, եթե քիչ թե շատ ազնիվ է գոնե ինքն իր նկատմամբ, հոգու խորքում հիանալիորեն գիտի, թե ինչն է բարի, աստվածադիր բարոյականության նորմերին հարազատ, ինչը՝ ոչ։ Հոգին...

read more

Ինչպե՞ս չդառնալ երկու տիրոջ ծառա

Հարցազրույց Կյուրեղ քահանա ՏԱԼՅԱՆԻ հետ։ Երկրային բարիքներ և երկնային արժեքներ. հավերժական հակադրությո՞ւն է, թե՞ չբացահայտված ներդաշնակություն... Ինչպե՞ս ապրել կյանքը, որ հոգևորն ու մարմնավորը չհակադրվեն։ Ավելին` ինչպե՞ս համադրել...

read more

Այլ նյութեր

Սուրբ Սահակի և սուրբ Մեսրոպի մասին

Ադամ քահանա ՄԱԿԱՐՅԱՆ —————————————————————— Այս...

Սուրբ Սահակ և սուրբ Մեսրոպ

Սուրբ Սահակ Պարթև Հայրապետը Ներսես Մեծ...