Սուրբ Հովհան Ոսկեբերան

Բաժին՝ Սրբեր

Սուրբ Հովհան Ոսկեբերան

(344/54-407 թթ.)

Սուրբ Հովհան Ոսկեբերանը ընդհանրական եկեղեցու տասներկու վարդապետներից մեկն է: Ծնվել է Անտիոքում, ազնվականի ընտանիքում, ազգությամբ՝ ասորի: Հոր անունը Սեկունդոս էր, մոր անունը՝ Անթուսա: Հայրը մահացել է երբ նա տակավին մանուկ էր: Մոր բարի խնամքի շնորհիվ ստացել է լավ կրթություն՝ ուսանելով ժամանակի հռչակավոր հռետոր և ճարտասան Լիբանիոսի մոտ:

380 թվականին Մելիտոս եպիսկոպոսի թախանձագին հարկադրանքով սարկավագ է ձեռնադրվում: 386 թվականին Մելիտոսին հաջորդած Փլաբիանոս հայրապետը նրան քահանա է ձեռնադրում:

397 թվականին վախճանվում է Կոստանդնուպոլսի Նեկտարիոս պատրիարքը, Արկադիոս կայսրը, տեղյակ լինելով սուրբ Հովհան Ոսկեբերանի համբավի մասին, պատվիրում է, որպեսզի նրան անմիջապես, անաղմուկ բերեն Կոստանդնուպոլիս՝ պատրիարք ձեռնադրելու: 398 թվականին տեղի է ունենում նրա ձեռնադրությունը:

Իր հոտին նվիրված հովիվը ոչ միայն քաղցրությամբ էր խրատում, այլ երբեմն՝ հանդիմանությամբ, այդ էր պատճառը, որ շուտով անվանի հայրապետը շատ հակառակորդներ է ունենում: Այդ հակառակորդների թվին էր պատկանում նաև Եվդոքսիա թագուհին, որը հանդիմանվում էր հայրապետի կողմից արքունական հոռի բարքերի պատճառով: Իր թշնամիների սադրանքով 403 թվականին աքսորվում է, սակայն վախենալով ժողովրդի ցասումից և այդ օրերին տեղի ունեցած երկրաշարժից՝ արքունիքը ետ է բերում հայրապետին: 404 թվականին սուրբ Հովհան Ոսկեբերանը դարձյալ աքսորվում է Կիլիկիայի Կոկիսոն քաղաքը, ավելի ուշ՝ Պիցունդա: Չդիմանալով ճանապարհի դժվարություններին՝ 407 թվականին մահանում է: Նրա արտասանած վերջին բառերն են. «Փա՛ռք քեզ, Աստվա՛ծ, փա՛ռք քեզ, ամեն ինչի համար փա՛ռք քեզ»:

438թ. սուրբի մարմինը մեծ հանդիսավորությամբ բերվում և ամփոփվում է Կ. Պոլսի Ս. Առաքելոց եկեղեցում:

Ընդհանրական եկեղեցու այս անխոնջ մշակի ոսկիբերան խոսքերը դարեր շարունակ առաջնորդել և կրթել են բազում եկեղեցական սերունդների: Նրա խոսքերից կատարված մեջբերումներ ենք հանդիպում ամենուր: Նա հայտնի է իր Աստվածաշունչ մատյանի գրքերի մեկնություններով: Բազմաժանր է նրա մատենագրական վաստակը` մեկնություններ, ճառեր, ներբողներ, թղթեր և այլն, որոնք իրենց բարերար ազդեցությունն են թողել քրիստոնեական մտքի պատմության վրա: Նրա գործերը հայերեն են թարգմանվել արդեն իսկ իր կենդանության օրոք:

Հայ Առաքելական Եկեղեցին Ս. Հովհան Ոսկեբերանի հիշատակն ամեն տարի տոնում է երկու անգամ, նախ՝ Տասներկու վարդապետների շարքում` Խաչվերացի Զ կիրակիին հաջորդող շաբաթ օրը, ապա՝ առանձին` Խաչվերացի Է կիրակիին հաջորդող հինգշաբթի օրը:

Հատկորոշիչներ՝ Հովհան, Ոսկեբերան

ԹՈՂՆԵԼ ՄԵԿՆԱԲԱՆՈՒԹՅՈՒՆ

0 Comments

Submit a Comment

Խմբագրի ընտրանի

Քրիստոնեական բարոյականության սկզբունքների կիրառելիության մասին

Հարցազրույց Ռալֆ ՅԻՐԻԿՅԱՆԻ հետ։ – Ցանկացած մարդ, եթե քիչ թե շատ ազնիվ է գոնե ինքն իր նկատմամբ, հոգու խորքում հիանալիորեն գիտի, թե ինչն է բարի, աստվածադիր բարոյականության նորմերին հարազատ, ինչը՝ ոչ։ Հոգին...

read more

Ինչպե՞ս չդառնալ երկու տիրոջ ծառա

Հարցազրույց Կյուրեղ քահանա ՏԱԼՅԱՆԻ հետ։ Երկրային բարիքներ և երկնային արժեքներ. հավերժական հակադրությո՞ւն է, թե՞ չբացահայտված ներդաշնակություն... Ինչպե՞ս ապրել կյանքը, որ հոգևորն ու մարմնավորը չհակադրվեն։ Ավելին` ինչպե՞ս համադրել...

read more

Այլ նյութեր

Սուրբ Փոկաս հայրապետ

Սուրբ Փոկաս հայրապետի մասին

Քրիստոսի 72 աշակերտները

Բացի 12 առաքյալներից Հիսուս ուներ նաև 72...

Սուրբ Սահակն ու սուրբ Համազասպ իշխանները

Սուրբ Սահակն ու սուրբ Համազասպն († 786)...