Կիպրիանոսն ապրել և գործել է Գ․ դարում: Ըստ Հայսմավուրքի նա ազնվական և մեծահարուստ մարդկանցից էր՝ խոր իմաստությամբ և հմուտ՝ մոգության արվեստին: Նույն քաղաքում էր բնակվում նաև մի քրմի դուստր՝ Հուստիանե անունով, որ քրիստոնյա դառնալով՝ ճշմարիտ հավատքի է բերում նաև իր ծնողներին: Ստանալով կռապաշտ իշխանի ամուսնության առաջարկը՝ մերժում է՝ պատճառաբանելով, որ ինքն արդեն իսկ Քրիստոսի հարսնացուն է: Իշխանը խնդրում է Կիպրիանոս մոգի աջակցությունը, սակայն վերջինս, ազդվելով կույսի հավատի ուժից, մկրտվում է և կարճ ժամանակում եպիսկոպոս ձեռնադրվում՝ փայլելով իր սրբակենցաղությամբ: Իսկ Հուստիանեն ձեռնադրվում է սարկավագուհի: Դեկոսյան հալածանքների ժամանակ Կիպրիանոսն աքսորվում է և գլխատվում: Նահատակվում է նաև Հուստիանե կույսը:
0 կարծիք