Սուրբ Թեկղ

Սուրբ Թեկղը (Ա. դար) ծնունդով Իկոնիայից է և շատերին քրիստոնեական հավատի բերելու համար կոչվել է «առաքելահավասար»: Նա 18 տարեկան հասակում, լսելով սբ Պողոս առաքյալի քարոզությունը, դարձի է գալիս և որոշում չամուսնանալ` իր ողջ կյանքը նվիրաբերելով Քրիստոսի խոսքի քարոզությանը: Թեկղի մայրը, զայրացած իր աղջկա որոշման վրա, գանահարում է նրան և ապա ցանկանում այրել նրան: Սակայն տեղացած հորդառատ անձրևը թույլ չի տալիս, որ կրակը ավելի բորբոքվի: Նա մեկնում է Պիսիդյան Անտիոք, որտեղ կրկին հարազատների պահանջով, նետվում է վայրի գազանների առաջ, որոնք սակայն ձեռք չեն տալիս նրան: Ի վերջո նա առանձնանում է Կիլիկիայի Սելևկիա քաղաքի մերձակայքի մի մենաստանում, ուր նվիրվում է Ավետարանի քարոզչությանը, հիվանդներ բժշկելուն և խնամելուն: Մահանում է խաղաղ մահվամբ, 90 տարեկանում:

Հայ Առաքելական եկեղեցին սբ կույսեր Թեկղի, Վառվառայի և Պեղիգեայի հիշատակը տոնում է Ս. Խաչի Դ կիրակիին հաջորդող երեքշաբթի օրը:

Մեկ մեկնաբանություն է եղել «Սուրբ Թեկղ» նյութին։

  1. Tekghine 17/09/2013 ժամը 00:20 #

    Վերջապես մի տեղից այս անվան պատմությունը իմացա։ Կարծում եմ իմ անունն էլ այդ անվան ձևափոխված տարբերակն է։ Մերսի))))))))))

Գրեք Ձեր կարծիքը։

Կայքի սպասարկումը՝ ԱԲՍՏՐԱԿՏ