Սուրբ Եսայի մարգարե

24/09/2011

Բաժին՝ Սրբեր

Եսայի մարգարեն Հին կտակարանյան չորս «մեծ մարգարեներ»-ից առաջինն է: Ծնվել և գրեթե ողջ կյանքն անցկացրել է Երուսաղեմում, մարգարեացել է 8-րդ դարի կեսերից: Եսայի մարգարեի գրքի 66 գլուխները վեհությամբ և բարձր հեղինակությամբ տրված պատգամների մի օվկիանոս են՝ Աստծո, արդարության, մեղքի, կրոնի և զանազան ընկերային հարցերի մասին: Մշակված միտք ունենալու շնորհիվ իր օրերի Երուսաղեմի չորս թագավորների առաջնորդն է եղել՝ Աստծո կամքը հայտնելով բազմաթիվ ազգային հարցերի շուրջ: Անգերազանցելի ոճով ու ոգով գրված նրա գիրքը Հին և Նոր Կտակարանները կապող օղակն է:

Սուրբ Եսային կոչվում է նաև Ավետարանիչ մարգարե՝ Մեսիայի, այսինքն՝ Քրիստոսի մասին ամենից շատ մարգարեանալու համար: Նա ներկայանում է իբրև Տիրոջ Հոգուց ուղարկված ծառա՝ «ավետելու բարի լուրն աղքատներին և հոգ տանելու հուսահատվածներին»: Հետագայում այս առաքելության մեջ պետք է Հիսուս տեսներ այն ծրագիրը, որն Ինքն իսկ եկավ իրականացնելու այս աշխարհում (Ղուկ. 4:16-21):

Ավանդաբար փոխանցվում է, որ Եսայի մարգարեն նահատակվել է սղոցումով: Հայ Եկեղեցին նրա տոնը նշում է Քրիստոսի Պայծառակերպությանը՝ Վարդավառին հաջորդող հինգշաբթի օրը:

Հատկորոշիչներ՝ Եսայի, մարգարե

ԹՈՂՆԵԼ ՄԵԿՆԱԲԱՆՈՒԹՅՈՒՆ

0 Comments

Այլ նյութեր

Քրիստոսի 72 աշակերտները

Բացի 12 առաքյալներից Հիսուս ուներ նաև 72 աշակերտներ, որոնց ուղարկեց Բարի Լուրը քարոզելու բոլոր ազգերին: Ցավոք, Ավետարանում նշված չեն այս աշակերտների անունները: Ավետարաններում «աշակերտ» բառն ընդհանրապես գործածվում է Քրիստոսի բոլոր հետևորդների համար: Հիսուս Քրիստոսն իր...

Սուրբ Սահակն ու սուրբ Համազասպ իշխանները

Սուրբ Սահակն ու սուրբ Համազասպն († 786) Արծրունյաց իշխանական տանից են և Վասպուրականում տանուտիրություն էին անում այն ժամանակ, երբ արաբական խալիֆայությունը խիստ սաստկացրել էր հալածանքները քրիստոնյաների դեմ: 785 թ. Հայաստանում նոր կառավարիչ է նշանակվում, որին իշխաններն...