Սուրբ Թեոդիտոն Գաղատացին, Թալիլա բժիշկը և Անկյուրայում նահատակված 7 կույսերը

Սրբեր | 0 comments

Սուրբ Թեոդիտոն Գաղատացին Դիոկղետիանոս կայսեր հալածանքների զոհերից է։ Լինելով գինեվաճառ, պակաս կասկածելի է թվում հալածիչներին, որի շնորհիվ կարողանում է ամեն կերպ օգնության հասնել հալածյալ քրիստոնյաներին. գինի է մատակարարում Սբ Խորհրդի համար, հողին է հանձնում նահատակների մարմինները և այլն։ Երբ Գաղատիայի կուսակալի հրամանով ջրասույզ են արվում Տեկուսա, Աղեքսանդրա, Կղոիդա, Փեննա, Եվփրասիա, Մատրոնա և Հուղիտա յոթ քրիստոնյա կույսերը, որոնց թվում էր նաև Թեոդիտոնի մորաքույրը, Թեոդիտոնը այլ քրիստոնյաների օգնությամբ կարողանում է գաղտնի ջրից դուրս բերել խորտակվածներին ու թաղել նրանց։ Սակայն հայտնի է դառնում կատարվածը, և հալածանքներն ընդդեմ քրիստոնյաների առավել սաստականում են: Իր հավատակիցներին փրկելու համար Թեոդիտոն հանձնվում է կռապաշտներին ու ամենածանր տանջանքների ենթարկվելուց հետո գլխատվում։

Սուրբ Թեոդիտոնի և 7 կույսերի հիշատակը Հայ Եկեղեցում նշվում է միասին՝ Հոգեգալստյան երրորդ շաբաթվա հինգշաբթի օրը։

Նույն օրը Սուրբ Թալիելեա բժշկի հիշատակության օրն է։ Դիմանալով ամենաանմարդկային տանջանքների՝ երանելի սուրբը իր հավատքի ամրությամբ դարձի է բերում անգամ իր դահիճներին։ Նրան նետում են ծովը, որտեղից փրկվում է աստվածային հրաշքով և ի վերջո նահատակվում է գլխատմամբ։

Այլ նյութեր

Related

Քրիստոսի 72 աշակերտները

Բացի 12 առաքյալներից Հիսուս ուներ նաև 72 աշակերտներ, որոնց ուղարկեց Բարի Լուրը քարոզելու բոլոր ազգերին: Ցավոք, Ավետարանում նշված չեն այս աշակերտների անունները: Ավետարաններում «աշակերտ» բառն ընդհանրապես գործածվում է Քրիստոսի բոլոր հետևորդների համար: Հիսուս Քրիստոսն իր...

read more

Սուրբ Սահակն ու սուրբ Համազասպ իշխանները

Սուրբ Սահակն ու սուրբ Համազասպն († 786) Արծրունյաց իշխանական տանից են և Վասպուրականում տանուտիրություն էին անում այն ժամանակ, երբ արաբական խալիֆայությունը խիստ սաստկացրել էր հալածանքները քրիստոնյաների դեմ: 785 թ. Հայաստանում նոր կառավարիչ է նշանակվում, որին իշխաններն...

read more