Սուրբ Աստվածածնի հղությունն Աննայից

Աստվածամայր | 0 comments

Ս. Աստվածածնի հղությունը նկարագրված չէ Աստվածաշունչ մատյանում։ Այն մեզ է փոխանցվել Եկեղեցու Սրբազան ավանդության շնորհիվ:

Ս. Կույսի ծնողները` Հովակիմն ու Աննան երկար ժամանակ երեխա չէին ունենում, քանի որ վերջինս ամուլ էր: Եվ մեկ օր, երբ Աննան իջնում է պարտեզ աղոթելու, հանկարծ հայտնվում է Տիրոջ հրեշտակը և ավետում, որ ինքը զավակ է ունենալու, ում երանի են տալու բոլոր ազգերը: Աննան գոհություն է հայտնում Աստծուն, որ լսեց իր անդադրում աղոթքների ձայնն ու խղճաց իրեն: Նա խոստանում է իր զավակին Աստծուն նվիրել:

Նույն այս տեսիլքը երևում է նաև Հովակիմին` հայտնելով բարի լուրը: Ս. Կույսի հայրը նույնպես փառք է տալիս Բարձրյալին այդ մեծ շնորհին արժանացնելու համար։

Բարեպաշտ ծնողների աղաչանքները լսելի են լինում և ծնվում է դուստր, որին անվանում են Մարիամ, այսինքն` լուսավորված: Նա էր այն ընտրյալ անոթը երկրիս վրա, ում Աստված իր առաքինությունների ու արժանիքների շնորհիվ պատվեց լինելու Բանն Աստծու մայրը: Որպես մայր անհանգստացավ, տառապեց իր Որդու համար, սակայն երբեք չերկնչեց ու չընդդիմացավ Աստծուն` քաջ գիտակցելով Բարձրյալից իրեն վստահված առաքելության կարևորությունը: Նա առաքինի, հավատավոր մոր, ընտանեկան սրբության պահապանի մարմնացումն է, որին որպես օրինակ պիտի ունենա ամեն մի հայ մայր, ամեն մի հայ աղջիկ, որ պատրաստվում է մայր դառնալու:

Հայ Եկեղեցին Աստվածածնի Աննայից հղության տոնը հաստատուն կերպով տոնում է դեկտեմբերի 9-ին:

Հատկորոշիչներ՝ Աննա, Աստվածածին, հղություն

Այլ նյութեր

Related

Ավետում

Ավետում

ՍՈՒՐԲ ԱՎԵՏՈՒՄ «Ավետել», «ավետիս տալ» հայերենում նշանակում է բարի լուր հաղորդել: Ղուկասի Ավետարանը սկսվում է Հովհաննես Մկրտչի ու մեր Տիրոջ ու Փրկչի՝ Հիսուս Քրիստոսի ծնունդները ավետելու պատմությամբ (Ղուկաս, Ա. 5-40): Երբ Զաքարիան՝ Հովհաննես Մկրտչի հայրը, իր քահանայական...

read more

Սուրբ Աստվածածնի գոտու գյուտի հիշատակի տոն

Արկադիոս կայսեր օրոք (395-408 թթ.) Երուսաղեմում գտնվում է Ս. Աստվածածնի գոտին, որը հատուկ ուշադրությամբ և հարգանքով տարվում է Կ. Պոլիս: Այստեղ հավատացյալները մեծ երկյուղածությամբ ընդառաջ են գնում և այն զետեղում եկեղեցում: Հույները հետագայում Ս. Մարիամին նվիրված նոր...

read more

Սուրբ Աստվածածնի տուփի գյուտի հիշատակի տոն

Ավանդության համաձայն, սուրբ Աստվածածնի տուփը, որտեղ պահվել է Տիրամոր գլխանոցը, հայտնաբերել են երկու հույն իշխաններ, որոնք Երուսաղեմ ուխտի գնալիս Գալիլիայում մի հրեա կնոջ մոտ տեսնում են տուփը, որի զորությամբ հիվանդներ էին բժշկվում։ Տուփը փոխելով իր կրկնօրինակով,...

read more