Անտոնը և Կրոնիդեսը կեսարացի հույներ էին, որոնց Հայաստան էր բերել սբ Գրիգոր Լուսավորիչը: Նրանք վանականության հիմնադիրներն են հայ իրականության մեջ: Երբ հավատո հայր սբ Գրիգորը Տարոնում քանդում է Իննակնյան բարձունքի Գիսանեի կուռքը, ապա տեղում շինում է սբ Կարապետ եկեղեցին, ուր և հաստատվում են այս երկու վանականները: 40 տարի ճգնելուց հետո սբ Անտոնը և Կրոնիդեսը կնքում են իրենց մահկանացուն Դ դարի երկրորդ քառորդում:
Հայ Առաքելական Եկեղեցին Աղվանքի Ս. Գրիգորիս կաթողիկոսի նշխարների գտնվելու, սուրբ հայրեր Թաթուլի, Վարոսի, Թումասի, Անտոնի, Կրոնիդեսի և յոթ խոտաճարակների, ովքեր Իննակնյան վանքում նահատակվեցին, հիշատակը տոնում է Ս. Խաչի Ե կիրակիին հաջորդող երկուշաբթի օրը:
0 կարծիք