Խորհուրդ է տալիս Մասնագետը...

[Hasik]

Մասնագետ ջան կխնդրեի մեզ օգնել մանկատան երեխաների շփման հարցում` կապված նրա հետ, թե ինչ խաղեր կարելի է  խաղալ, որոնք  ոչ միայն կհետաքրքրեն 9-14 տարեկան երեխաներին, այլև ուսոցողական ու դաստիարակչական նշանակություն կունենան:

Նաև հետաքրքիր է, թե դու ինչ կառաջարկես խաղի վերջում, քանի որ ինչ-որ ձև պետք է շահագրգռես երեխային, որ նա փորձի լավ խաղալ ու հաղթող դառնալ:

Շնորհակալություն մասնագիտական օգնության ու աջակցության համար:

[Masnaget]

Անուններ:

Առաջին խաղը, որ կցանկանայի ներկայանցել, <Անուններ> խաղն է:
Սկզբում խաղավարը պատմություն է պատմում, որտեղ հնարավորինս շատ անուններ կան: Թեման կարող է ընտրվել հետևյալներից.
1. Մարդու արարումը
2. Նոյի կամ նահապետներից մեկ ուրիշի պատմությունը
3. Մարգարեներ
4. Քրիստոսի առակները
5. Գործ Առաքելոց և այլն:

Շատ կարճ պատմություն պետք է լինի` ցանկացած տեսքով` պարզապես հատվածի ընթերցում, վերապատմում և այլն:
Ընթերցումից հետո մտապահվում են գործող անձանց անունները: Ապա խաղավարն առաջարկում է երեխաներին շրջանաձև նստել և անուններ ասել` սկսելով պատմության մեկ հերոսի անունից: Այդ հերոսի անվան վերջին տառով պետք է հերթական երեխան /ժամսլաքի ուղղությամբ/ ասի նոր անուն, և այդպես շարունակ:

Օրինակ` Աբրահամի պատմությունը պատմելուց հետո  խաղավարն առաջարկում է Աբրահամ անունը, իսկ հերթական երեխան պետք է վերջին տառով` Մ,  պետք է հատուկ կամ հասարակ անուն ասել` օրինակ` Մովսես, մարգարե և այլն:

Ավարտը պարզ է. հաղթում է այն երեխան, որ հնարավորին չափ շատ, բազմազան ու արագ, թեմայի շրջանակներում  կասի անուններ: Մտածելու համար տրվում է մեկ վայրկյան, իսկ մեկ վայրկյանում անուն չասելու դեպքում տվյալ մասնակիցը զրկվում է հետագա պտույտներից: Ժամանակը հաշվողը /այդ մեկ վայրկյանները/ պետք է լինի հենց երեխաներից: Շատ արագ խաղ է, պահանջում է զգոնություն և ազնվություն:

[Hasik]

Մասնագետ ջան շնորհակալ եմ արագ արձագանքման համար. 

Ասեմ, որ նմանատիպ խաղ մենք փորձեցինք Անիի ծննդի ժամանակ խաղալ, բայց անկեղծորեն կանոնները խախտում էինք, ոչ մեկին չէինք հանում սխալ կամ ուշ պատասխանի համար, այդ պատճառով երեխաները հոգնեցին դրանից, բայց քո առաջարկը ավելի հետաքրքիր է, նաև ուսոցողական, անպայման կփորձենք: