Հիվանդությունների կապը մեղքերի հետ

Started by ani, July 04, 2010, 09:46:23 PM

Previous topic - Next topic

ani

Շատ եմ լսել այն կարծիքը, որ հիվանդությունները մեր մեղքերի դիմաց ենք ստանում:
Բայց դժվար է ինձ համար համաձայնել նման կարծիքի հետ:
Նախ Հոբի հիվանդությունները Աստված նրան տվեց հավատի ուժը փորձելու համար, այլ ոչ որպես պատիժ: Երկրորդ, ես շատ ու շատ օրինակներ գիտեմ, երբ գրեթե սուրբ մարդիկ են հիվանդացել ամենածանր հիվանդություններով: Ինչ մեղք կարող է ունենալ նոր լույս աշխարհ եկած մանչուկը?  

Միթե հիվանդությունները մարդկանց մեղքերի դիմաց են տրվում?
Այդ մեղքը տվյալ մարդու մեղքն է, թե կարող է մարդը պատժվել նաև իր ծնողների կամ նախնիների փոխարեն? 14:)

Miaban Sarkavag

Նախ պետք է նշել, որ այդ պատկերացումը, որ իբր հիվանդությունները տրվում են ի պատասխան մեր մեղքեր և որոշ դեպքերում նաև մեր ծնողների մեղքերի, զուտ հրեական մտածելակերպին է հատուկ: Տրամաբանական է, որ եթե ծնողները իրենք կյանքում մեղավոր լինեն ու գործեն այնպիսի մեղքեր, որոնք կարող են ազդել նաև իրենց առողջության վրա, հնարաբվոր է որ երեխաներն էլ ծնվեն հիվանդ և սա էլ Ձեզ պատիժ ծնողների գործած մեղքերի դիմաց:
Հիմա եթե նայենք Ավետարանը, կարող ենք շատ պարզ տեսնել, թե ինչ է ասում այս առթիվ Քրիստոս: Հիշում եք ինչ ասաց Քրիստոս երբ մեկ անգամ նրան հարցրեցին կույր մեկի մասին, թե ինչու է նա հիվանդ, արդյոք ծնողների մեղքերն են, թե իր՞, ինչի՞ համար է այս մարդը հիվանդ: Եվ ի՞նչ եղավ պատասխանը, Քրիստոս պատասխանեց, ոչ այն է, ոչ էլ մյուսը, այլ այս մարդը հիվանդ է Ի ՓԱՌՍ ԱՍՏՈՒԾՈՅ, Աստծո փառքի համար:
Գիտեք երբեմն լինում են դեպքեր երբ մարդը հիվանդանում է և այդ հիվանդությանը դիմակայելու ընթացքում գտնում է Աստծուն, երբեմն ամենածանր հիվանդության մեջ գտնվողներն այնչափ խորն են ընդունում ու հավատում Աստծուն, որ առողջ մարդու համար մեծագույն դաս են լինում: Եվ հետո հիվանդությունը մեծամասամբ մեր գործած սխալների հետևանք է, կուզեք դրանց մեղքեր ասեք, կուզեք բացթողումներ կամ պարզապես սխալներ:
Իմ կարծիքն այն է, որ մարդիկ միշտ չէ, որ հիվանդանում են իրենց մեղքերի հետևանքով կամ իրենց ծնողների: