Օտարամոլ

Started by CHERRY, January 10, 2008, 03:40:44 AM

Previous topic - Next topic

CHERRY

Նոր հեռուստացույցով համերգ էի դիտում: Նունե Եսայանն արաբական պարուհու նմանեցնող զգեստով, կիսամերկ երգում էր հայ Ժողովրդական երգեր` Մշո Աղջիկ...: Լավ, հասկացանք ուժեղ առաջադեմ են դարձել, բայց այս աստիճան ???, նույնիսկ ծիծաղս էր գալիս այդ տեսարանից: Չգիտեմ, շատերը կասեն ոնց ուզում է երգում է, իր իրավունքն է: Բայց ես կտրուկ դեմ եմ 35:): Թող իր երգերն ոնց ուզում է երգի, բայց ոչ ժողովրդական:

Մեր որոշ օտարամոլ երգիչների փոշեկուլի եմ նմանեցնում 15:), որ ամեն ազգից մի բան քաշելով սինթեզ են դարձել:  Վերջերս էլ բառերը այնպե են արտասանում, որ չհասկանաս ինչերեն է:       

Satenik

Քանի կար տրիկոներով էր երգում, հիմա էլ խնդրեմ: ???
Բայց մյուս կողմից էլ ի՞նչ կարելի է սպասել մեկից, որի մասնագիտությունը այսպես կոչված "շոու-բիզնես"-ն է: Ապա մի թարգմանենք այդ եզրը, խայտառակ բան կստացվի:  26:)
Այդ մարդիկ չեն զգում կապը ոչ իրենց նախնիների հետ, ոչ իրենց սերնդների: Ստից-մտից, անտեր-անտիրական, այնքան որ էժան ծափահարությունների հասնեն ու մի քիչ փող ստանան հաջորդ արաբական զգեստը ձեռք բերելու համար... 36:)
Փոշեկուլը շատ դիպուկ ասացիք: 38:)

TILIL

Փոշեկուլի հետ ես էլ եմ համաձայն 39:),ինչ վերաբերում է օտարամոլությանը կասեմ,որ այո դա նրանց փող վաստակելու միջոցն է 30:):Բայց նաև չմոռանանք,որ եթե այդպիսի հագուստով չերգեն միգուցե շատերի կողմից չընդունվեն 41:),քանի որ հանդիսատեսի մեծ մասն էլ է օտարամոլ:Իսկ երգիչներ փորձում են տալ այն,ինչ պահանջվում է 34:):

Nane

Իրոք սարսափելի է, երբ նման պատկերներ ես տեսնում
Quote from: TILIL on January 11, 2008, 12:19:21 AM
Բայց նաև չմոռանանք,որ եթե այդպիսի հագուստով չերգեն միգուցե շատերի կողմից չընդունվեն 41:),քանի որ հանդիսատեսի մեծ մասն էլ է օտարամոլ:Իսկ երգիչներ փորձում են տալ այն,ինչ պահանջվում է 34:):
Ցավոք  Ճիշտ ես ասում, բայց օտարամոլ հաանդիսատեսը կարող է նայել իր սիրելի <օտարներին>, այլ ոչ թե մերոնք էլ փորձեն նրանց նմանվել: Արվեստը զանազանության մեջ է գեղեցիկ և հարուստ: Իսկ մարդիկ պատվիրում և ուտում  են այն, ինչ կա ընդհանուր <Ճաշացանկում>: Բայց չէ որ արվեստը պետք է մարդուն բարձրացնի և ոչ թե ոտքերի տակ ցեխոտվի: Չնայած, ճիշտ է ասում Սաթենիկը մի բան, որ կոչվում է շոու-բիզնես   էլ ինչ ասենք14:): Բայց նշենք,  որ հայ երգարվեստում կան նաև լավ երգիչ երգչուհիներ 18:)

CHERRY

Quote from: Nane on January 11, 2008, 02:15:08 AM
Բայց չէ որ արվեստը պետք է մարդուն բարձրացնի և ոչ թե ոտքերի տակ ցեխոտվի: Չնայած, ճիշտ է ասում Սաթենիկը մի բան, որ կոչվում է շոու-բիզնես   էլ ինչ ասենք14:): Բայց նշենք,  որ հայ երգարվեստում կան նաև լավ երգիչ երգչուհիներ 18:)

Նանե ջան, այսօրվա իրականությունում իրեն և հանդիսատեսին հարգող արվեստագետներ շատ քիչ են, ովքեր աշխատում են հանդիսատեսին բարձրացնել, գրպանի թվի փոխարեն 8:): Իսկ եթե կան, ապա ոչ բոլորին է հաջողվում երևալ, ինչպես նշեց Թիլիլը` պահանջարկ չկա: Լավ երգիչներին էլ  հաճախ չես լսի, ի տարբերություն Հայ տղեքի, Շպրոտի և այլն: Այսօրվա հանդիսատեսը ծույլ է, նա երկար չի փնտրի լավին, կլսի այն ինչ տալիս են, ականջը կսովորի և դա կդառնա իր համար լավը: Օրինակ` Միշոն, գթեթե բոլոր երաժշտական պատվերներում առաջին տեղն է գրավում 4:):
Օտար երաժշտություն լսելը կամ կատարելը օտարամոլություն չեմ համարում, ոչ էլ շովինիզմով եմ տառապում: Շատ հարգում եմ այլ ազգերի մշակույթը, դավանանքը, բայց կարծում եմ մարդ դառնում է խեղկատակ, երբ փորձում է ուրիշին նմանվել: Մեր հանդիսատեսը, մանավանդ պատանի, երիտասարդ շատ շուտ է ընդօրինակում: Օրինակ եթե նկատել եք հայ եկեղեցում երիտասարդներ խաչակնքվում են ինչպես կաթոլիկները, վերջում էլ իրենց մատներն են համբուրում  (սերիալներն իրենց գործն արել են):Իսկ տարատեսակ օտարամոլության դրսևորումներ շատ եմ հանդիպում: Երբ հայերեն հանգիստ տիրապետում են, բայց ձև են տալիս, որ չգիտեն կամ չեն հասկանում, ռուսերեն են խոսում, որ «քաղաքակիրթ» երևան..., նման բաներ:

Nane

Սիրելի Cherry Համաձայն եմ քեզ հետ և կիսում եմ մտահոգությունդ: 34:) Բայց գիտես ինչ եմ նկատել, արվեստն ունի իր <ինքնապաշտպանական շերտը` զտող ներքին համակարգը>: Նման երգիչները երգում, մեծ աղմուկ են բարձրացնում, 26:) բայց շուտով անցնում գնում են և նրանց ոչ ոք չի հիշում, 40:) իսկ  գեղեցիկ երգերը և առհասարակ` իսկական  արվեստի գործերը միշտ ապրում են և կենդանի են: Այսպես ես հույս ունեմ, որ եթե Շպրոտին սառնարանից դուրս թողնեն այլևս ուտելու պիտանի չի լինի, իսկ Միշոն կգնա <լուծելու իր խնդիրները տղերքի հետ> 38:)

CHERRY

Ճիշտ ես Նանե ջան: Ամեն հարցում լավատեսությունդ ուրախեցնում է 37:):
Բայց ի՞նչ ես կարծում, երգիչներին թողնեմ հանգիստ, ընդհանրապես, մեզ հայերիս բնորո՞շ է օտարամոլությունը, թե՞ ոչ: Օրինակ յուրաքանչյուր ազգ կարծես ունի իր մոլությունը և առաքինությունը:

Nane

Սիրելի Cherry, ճիշտն ասած չգիտեմ, թե այլ լեզուներում կա նման ասացվածք, բայց հայերս ունենք այսպիսի խոսք. <Հարևանի հարսը միշտ ավելի լավն է>:  Եթե մի փոքր <դրականորեն> մոտենանք օտարամոլությանը, ապա կասեի, որ հայերը շատ հեշտությամբ են ընկալում օտար մշակույթները: Հայերն աչքի են ընկնում նաև օտար լեզուների ուսման մեջ:ՄԻգուցե պատճառն այն է, որ պատմության ընթացքում մշտապես գտնվելով մշակույթների խաչմերուկում, օտար ժողովուրդները և օտար մշակույթները միշտ ներկա և գործուն են եղել մեր կյանքում: Բայց մենք կարողացել ենք հավասար երկխոսություն վարել նրանց հետ և ոչ թե լսել միակողմանի դասախոսություններ: Հուսով եմ հիմա էլ կկարողանանք:Իհարկե սխալ սինթեզները և նմանակումնկերը, որոնց մասին խոսեցինք միշտ տհաճ են և ծիծաղելի:   Իսկ դու ինչ ես կարծում:
Հ.Գ
Շատ հետքրքրական կլինի զրուցել տարբեր ազգերի մոլությունների և առաքինությունների մասին:

Տ. Տաթև քհն.

Շատ արդիական, մտահոգիչ ու կարևոր խնդրի շուրջ թեմա ես բացել, Չերրի ջան 18:), ի դեպ նոր չերրիկներդ լավ են դիտվում 43:), այս թեմայում բոլոր արտահայտվողների հետ լիովին համամիտ եմ, միանում եմ  ձեզ ու ավելացնում, որ այդ օտարամոլության դրոշակակիրներ խեղկատակ աստղիկներն երևի այդքան մեղավոր չեն, ինչքան մենք բոլորս, որ հանդիսանում ենք նրանց սնուցիչը,  առաջարկի պահանջարկը, խավար աստղային փայլատակման տիեզերքը; Հենց մեր երիտասարդությունն  է ու ոչ միայն, որ իր անճաաշակությամբ ու օտարամոլությամբ պարաարտ հող է հանդիսանում շոու բիզնես կոչվածի ծլարձակման համար...
իհարկե լավատեսորեն պետք է մոտենանք նաև այս հարցցին,Նանե 13:), և գոնե մենք մեր կողմից մի փոքրիկ լումա  ններդնենք օտարամոլության դեմ պայքարին

Anoush

Անկեղծ ըլալու համար այս հարցը շատ կը մտահոգէ նաեւ զիս, այս օտարամոլութենէ աւելի օտար կապկութիւնները (խեղկատակութիւնները ընդօրինակել) մեր մշակոյթին մաս դարձնել ու տարածել է: Ցաւը այն է որ աճող սերունդները զոհ են պարզապէս այս բոլորին, առանց գիտակցելու որ մեր ունեցածը շատ աւելի բարձր է, արժէքաւոր եւ հաստատուն:
Իսկ աւելի ցաւալին այն է, երբ հեռուստացոյցը գրաւած են իրենք եւ մեր իսկական արժէքները տեղ չունին, սերունդներ կը դաստիարակուին անորակ արուեստով: Մենք սփիւռքի մէջ կը բանանք Հայաստանի ալիքը մեծ ակնկալութիւններով... մերկութիւնը, տեսահոլովակներուն մէջի անկողնային ստոր ցուցադրութիւնները երբեք չեն համապատասխաներ մեր ժառանգած մշակոյթին, արուեստին, հաւատքին:
Բայց ինչ կու գայ մեր ձեռքէն, քանի անգամ խօսած ու գրած եմ այս մասին...