Լուսամուտ երկխոսության

ԱԴՄԻՆԻՍՏՐԱՑԻԱ => Ձեր առաջարկները => Topic started by: Ղուկաս Վահան on September 16, 2008, 10:57:10 AM

Title: Մեր գրառումները
Post by: Ղուկաս Վահան on September 16, 2008, 10:57:10 AM
Ինչպես գրել, որ մյուսները հաճույքով կարդան մեր գրածները, չէ որ ճիշտ և մաքուր կատարվող գրառումները նախ բարձրացնում են մեր վարկանիշը, և հետո դառնում ենք հաճելի զրուցակից և այլն: Պատկերացրեք, թե որոշ դեպքերում ինչպես են տանջվում մեզ ընթերցողները` հասկանալու համար մեր գրածների իմասը: Ցավոք, որոշ դեպքերում էլ անհասկանալի, բարդ, չափից դուրս երկար գրելու պատճառով մեր գրածները անհետաքրքիր են լինում և մարդիկ կարող է պարզապես չընթերցեն ու կարծիքների փոխանակում չլինի:
Ուստի եկեք այստեղ գրենք մեր նկատառումները, թե երբ հաճույքով չենք կարդում մյուսների գրածները (առանց անձնականացնելու և վիրավորելու) կամ ինչն է խանգարում ընթերցելիս:
Title: Re: Մեր գրառումները
Post by: Ղուկաս Վահան on September 16, 2008, 11:05:14 AM
Առաջին նշումը ինքս էլ կատարեմ:
Պետք է հնարավորինս կարճ, ամփոփ գրել: Երկար գրառումները հաճախ կիսատ են կարդում մարդիկ: Իսկ եթե Ձեր ասելիքը երկար է, ապա գոնե կիսեք և երկու գրառումով (բայց ոչ երեք) Ձեր միտքն արտահայտեք, ինչպես այստեղ ես արեցի  10:)
Title: Re: Մեր գրառումները
Post by: Masnaget on September 16, 2008, 11:44:23 AM
Ես չեմ կարողանում կարդալ, օրինակ, այն գրառումները, որոնք անգրագետ և անտրամաբանորեն են կառուցվում:
Այլև չեմ սիրում լատինատառ գրառումները: Իմիջիայլոց. եթե մասնակիցները չեն կարողանում հայերեն ճիշտ ուղղագրությամբ գրել  և դրա համար լատինատառ են գրում, ապա կարող են օգտվել հետևյալ կայքի ծառայություններից` http://www.translit.am/
Գրառումը գովազդի նման մի բան է. որքան երկար, միօրինակ, այնքան անտանելի:
Title: Re: Մեր գրառումները
Post by: Hasik on September 16, 2008, 10:24:29 PM
Ես էլ եմ համաձայն, որ դրանք գրագետ գրվեն, չէ՞ որ Մասնագետը այդքան տանջվում է ու հայերեն է սովորեցնում, ու դրանից հետո նորից սխալ գրե՞նք, լավ չի չէ՞։ 34:) 34:)
Title: Re: Մեր գրառումները
Post by: TILIL on September 16, 2008, 10:32:06 PM
Ես էլ կցանկանայի, որ գրառումները կրճատ լինեն:Նույն թեմայի վերաբերյալ գրառումներն ինչքան կարճ են լինում, այնքան շատ մասնակիցների կարծիքներ է հնարավոր լինում ընթերցել և չձանձրանալ:
Title: Re: Մեր գրառումները
Post by: Masnaget on September 17, 2008, 01:09:49 AM
Quote from: Admin on September 16, 2008, 10:57:10 AM
Ինչպես գրել, որ մյուսները հաճույքով կարդան մեր գրածները, չէ որ ճիշտ և մաքուր կատարվող գրառումները նախ բարձրացնում են մեր վարկանիշը, և հետո դառնում ենք հաճելի զրուցակից և այլն: Պատկերացրեք, թե որոշ դեպքերում ինչպես են տանջվում մեզ ընթերցողները` հասկանալու համար մեր գրածների իմասը: Ցավոք, որոշ դեպքերում էլ անհասկանալի, բարդ, չափից դուրս երկար գրելու պատճառով մեր գրածները անհետաքրքիր են լինում և մարդիկ կարող է պարզապես չընթերցեն ու կարծիքների փոխանակում չլինի:
Ուստի եկեք այստեղ գրենք մեր նկատառումները, թե երբ հաճույքով չենք կարդում մյուսների գրածները (առանց անձնականացնելու և վիրավորելու) կամ ինչն է խանգարում ընթերցելիս:
Իսկ որևէ գրավոր հրահանգ չկա՞ այն մասին, թե ինչպես պետք է ճիշտ գրել, կարծիք արտահայտել...
Կանոնադրական կետ կամ ցուցում....
Title: Re: Մեր գրառումները
Post by: Masnaget on September 17, 2008, 01:11:19 AM
Quote from: Hasik on September 16, 2008, 10:24:29 PM
Ես էլ եմ համաձայն, որ դրանք գրագետ գրվեն, չէ՞ որ Մասնագետը այդքան տանջվում է ու հայերեն է սովորեցնում, ու դրանից հետո նորից սխալ գրե՞նք, լավ չի չէ՞։ 34:) 34:)
;)
Title: Re: Մեր գրառումները
Post by: Տ. Տաթև քհն. on September 17, 2008, 10:52:42 AM
լավ չի նաև, որ մի հինգհարյուր մեջբերում /արդյունքում ամբողջ թեման/ իրար կպցրած մեջբերվում է մեկ գրառման մեջ
Title: Re: Մեր գրառումները
Post by: Ղուկաս Վահան on September 18, 2008, 04:07:38 PM
Quote from: Masnaget on September 17, 2008, 01:09:49 AM
Իսկ որևէ գրավոր հրահանգ չկա՞ այն մասին, թե ինչպես պետք է ճիշտ գրել, կարծիք արտահայտել...
Կանոնադրական կետ կամ ցուցում....
Ունենք կանոնադրական կետեր (9.7, 9.8 ), որոնցով ֆորումի համապատասխան բաժնում մասնակիցները պարտավորված են գրել միայն այդ բաժնին հատուկ լեզվով, այսինքն՝ հայերենում՝ հայերեն, ռուսերենում՝ ռուսերեն։

Quote from: arsensrk on September 17, 2008, 10:52:42 AM
լավ չի նաև, որ մի հինգհարյուր մեջբերում /արդյունքում ամբողջ թեման/ իրար կպցրած մեջբերվում է մեկ գրառման մեջ
Մեջբերումների հարցում լիարժեքորեն համաձայն եմ։
Սովորաբար երբ մեջբերում եք կատարում, ծրագիրը նշում է ողջ նյութը, մեջբերումը, անկախ նրանից, թե նախորդ մեջբերման մեջ քանի մեջբերում կա։ Դուք կարող եք կտրել միայն այն հատվածը, առանց ուղղումներ կատարելու հեղինակի գրածի մեջ, որը ձեզ պետք է, բայց զգույշ եղեք կոդերի հետ, որովհետև կոդերը ապահովում են ուղղակի հղումը դեպի այդ մեջբերումը, այսինքն՝ ընթերցողը կարող է սեղմել այդ հղումի(կոդի) վրա և անմիջապես կարդալ այն գրառումը, որից դուք մեջբերում եք կատարել։ Որպեսզի հեշտ լինի կողմնորոշվել, ապա ուշադրություն դարձրեք և անփոփոխ թողեք ձեր կատարած մեջբերման առաջին տողը, իր կոդերով հանդերձ, սկսած «quote» բառից (իր կոդերով հանդերձ), Ձեր մեջբերման մեջ եղած մեջբերումներն իրենց կոդերով ջնջեք, սակայն չսխալվեք ջնջել ընդհանուր մեջբերված տեքստի վերջին «quote» բառը (իր կոդերով հանդերձ), որովհետև այդ վերջին բառը փակում է ձեր հիմնական մեջբերումը։

Կարևոր նշում. Եթե պատասխանում եք վերջին գրառմանը, ապա անիմաստ է մեջբերելը։
Title: Re: Մեր գրառումները
Post by: Ղուկաս Վահան on October 14, 2008, 11:50:11 PM
Quote from: Masnaget on September 16, 2008, 11:44:23 AM
Այլև չեմ սիրում լատինատառ գրառումները: Իմիջիայլոց. եթե մասնակիցները չեն կարողանում հայերեն ճիշտ ուղղագրությամբ գրել  և դրա համար լատինատառ են գրում, ապա կարող են օգտվել հետևյալ կայքի ծառայություններից` http://www.translit.am/

Իմիջիայլոց, լատինատառ գրողներին խնդրենք ուշադիր լինել։ Ի վերջո եթե չենք փորձում հայատառ գրել, ապա այդ փորձել ցանկանալու բացակայությունն էլ է գցում գրառում կատարողի վարկանիշը։
Title: Re: Մեր գրառումները
Post by: Ղուկաս Վահան on December 07, 2008, 03:30:41 PM
Մինչ այժմ, երբ դուք որևէ բան էիք գրում և ձեզ պատասխանում էին, ապա դուք կարող էիք պատասխանից հետո վերադառնալ և ձեր գրածը խմբագրել։ Արդյունքում ձեզ պատասխանողի գրածը կարող էր անհասկանալի լինել։ Վերջերս այսպիսի դեպքեր եղան, ուստի խնդրում ենք նկատի ունենալ, որ որոշ փոփոխություններ ենք կատարել՝ բացառելու նման իրավիճակները, այսինքն՝ հետ այսու դուք կարող եք ձեր գրածը խմբագրել 150 րոպեի ընթացքում, որից հետո դա անհնար կլինի։
Հուսով եմ այս մոտեցումը որևէ մեկին չի կաշկանդի գրելու։ Որևէ մեկի համար հաճելի չէ պատասխանելուց հետո տեսնել, որ այն գրածին, որին ինքը պատասխանել է, փոփոխվել է։
Title: Re: Մեր գրառումները
Post by: Ղուկաս Վահան on March 20, 2009, 01:37:07 PM
Ընդհանրապես նկատելի է, որ հայերը միմյանց հետ խոսելուց, հատկապես տարակարծությունների դեպքում, խիստ ագրեսիվ են։ Արդյունքում, միմյանց պատասխանելուց, աճում է անհանդուրժողականությունը։ Այստեղ՝ ֆորումում ևս դա շատ հաճախ է արտահայտվում։ Փորձում ենք տարբեր ձևերով զսպել այդտեսակ դրսևորումները, բայց միշտ չէ, որ հաջողվում է։ Դրան նպաստում է նաև անուղղակի շփումը։ Թերևս եթե մարդիկ դեմ առ դեմ քննարկեին հարցերը, այլ դրսևորում ունենար իրենց խոսքը։ Այնուամենայնիվ խրախուսելի է խուսափել կտրուկ և կծու խոսքերից։
Title: Ինչքանո՞վ ենք միմյանց հարգում:
Post by: Petros on August 28, 2009, 03:40:43 PM
Ֆորումային կյանքիս փորձն ինձ բազում անգամ ապացուցել է, որ զրույցների ժամանակ միմյանց հեգնում ենք, նսեմացնում ու ըմբռնումով չենք մոտենում: Դա տեղի է ունենում մանավանդ այն ժամանակ, երբ չենք կարողանում միտքն ամբողջացնել ու մատչելի ձևով հասցնել զրուցակիցներին: Առավել ևս սա պատահում է կրոնական ֆորումներում, և շատ ու շատ տհաճ իրադարձություններ են տեղի ունենում: Պատճառն այն է, որ քրիստոնեությունն ամենավիճելի թեման է, երբ բացակայում են միմյանց սիրելու և հարգելու առաքինությունները: Նման դեպքեր պատահել են ինձ և ցայսօր դրանք կեղեքում են ինձ թե՛ խղճի միջոցով, թե՛ ոմանց միջոցով:
Շատ մեծ սխրանք կգործենք, եթե ամենքս էլ մեր մեջ վերլուծենք պատճառներն ու անզիջողականություները ու հնարավորինս կիսվենք իրար հետ ու թույլ չտանք չար մտադրություններին` իրականանան:
Նաև կխնդրեմ դուք էլ ձեր փորձից խոսեք:  
Title: Re: Ինչքանո՞վ ենք միմյանց հարգում:
Post by: Masnaget on August 28, 2009, 05:41:38 PM
Այո.... շատ ճիշտ դիտողություն է: Ես էլ երբեմն չեմ կարողանում զերծ մնալ տաքանալուց:

Սրա պատճառը, Պետրոս, կարծեմ թե կանխակալությունն է: Երբ զրուցում ես և արդեն գիտես, որ դիմացինդ, մեղմ ասած, քեզ հետ համաձայն չէ և պատրաստվում է քեզ քո ասածի հակառակն ապացուցել, և երբ դու էլ համոզված չես, որ կշահես բանավիճելիս, սկսում ես արդեն երկրորդական միջոցների դիմել. վիրավորում ես, աղմկում ....: Մի խոսքով:
Դա ես քրիստոնեության հետ չէի կապի, այլ առհասարակ տեսակետների, աշխարհայացքի, փիլիսոփայության: Դա իմ կարծիքն է:
Title: Re: Մեր գրառումները
Post by: Petros on August 30, 2009, 01:03:08 AM
Ինչքանո՞վ է ճիշտ, ի՞նչ եք կարծում, ճիշտն ասել մարդուն, որը դառը կարող է թվալ, երբ շատ հանգիստ ու խաղաղ վիճակում եմ գրում փոսթինգը` մտածելով, որ գոնե այդպես տեղ կհասնի:
Title: Re: Աստծո գոյությունը աքսիոմա՞ է
Post by: Samvel on September 08, 2009, 04:23:06 AM
Quoteմանավանդ որ թեմայի հարցը Աստուծո գոյությունը ապացուցելը չէ, այլ այդ գոյությունը որպես աքսիոմա ընդունելը կամ ոչ։
Ինչ վերաբերում է հարցին.

QuoteԱյս թեմայում հարցը Աստուծո գոյությունը որպես աքսիոմա ընդունել կամ չընդունելն է, և ոչ թե ապացուցել, որ մյուս կրոնների համեմատ իմ Աստվածն է ստեղծել աշխարհը։
Posted on: September 04, 2009, 12:14:49 AMPosted by: Samvel 


Հարգելի Ադմին! Չեք կարծում արդյոք, որ այդպիսի մոտեցումով ոչ մի թեմա հնարավոր չէ խորացնել ու մարդկանց կարծիքները դարձնել ավելի իմաստալից և խորիմաստ: Ինչպես կարելի է պարզաբանել մի հարց, որը վերլուծելու համար ամեն խոսքից հետո պետք է մտածել, թե այն սպորտսմենի նման, որը երկարություն է թռչում, - ոտքդ գծի վրա ես դրել, թե? խախտել ես գիծը:
Հասկանում եմ, Դուք եք, որ հետևում եք կարգուկանոնին այստեղ, և դա շատ մեծ պարտականություն է - Ձեր վրա դրված, - և շնորհակալություն Ձեզ այդ հոգսերի համար: Բայց, վերջիվերջո, այստեղ մի կոնկրետ հարց կա - Աստծո լինել կամ չլինելը, - և խոսակցությունը հենց այդ մասին է, որ գնում է: ՈՒրեմն թույլ տվեք խոսել այդ մասին, և եթե մեկնումեկը ինչ-որ կասկածներ ունի այդ հարցում, - փորձենք որևէ մի ձևով օգնել նրան փոխել իր կարծիքը:
Իսկ եթե մենք, "թեմայից չշեղվելու" համար, ասենք, թե անհնար է Աստծո գոյությունն ապացուցել, - դա հավասարազոր է, եթե մենք նրան ասենք. չես հավատում - հեչ էլ հավատաս (սա ամենամեղմ ձևն է):

Իսկ ով ասաց, թե անհնար է ապացուցել Աստծո գոյությունը?

Ի Ս Կ    Դ ՈՒ Ք    Ա Պ Ա Ց ՈՒ Ց Ե Լ    Փ Ո Ր Ձ Ե Լ    Ե Ք ? ? ?
Title: Re: Մեր գրառումները
Post by: Ղուկաս Վահան on September 09, 2009, 11:30:48 PM
Կարդում էի վերջին 20 գրառումները. Սամվել ջան, «Աստծո գոյությունը աքսիոմա՞ է» թեմայի մեջ թեմայից շեղումների հանդեպ իմ խստությանը ընդդիմանում եք՝ ասելով, որ այդպիսի մոտեցումով ոչ մի թեմա հնարավոր չէ խորացնել ու մարդկանց կարծիքները դարձնել ավելի իմաստալից և խորիմաստ։ Հետո  «Հարցեր հոգևորականներին» ենթաբաժնում, որտեղ միայն հոգևորականներն են պատասխանում, «Չար լեզու» թեմայի մեջ պատասխանում եք Հայուհուն, թե ինչպես կարելի է հայերեն գրել։
Հիմա, ասեք ինձ խնդրում եմ, մի՞թե սա պարզ արհամարհանք չէ ֆորումի նկատմամբ, երբ դուք այստեղի ամենից պարզ սկզբունքները չեք ցանկանում պահպանել, և դեռ ցանկանում եք թեման դարձնել ավելի իմաստալի և խորիմա՞ստ ???

Հայկական ֆորումների մեծ մասը չի կայանում այն պարզ պատճառով, որ հայերը ոչ թե միմյանց հետ մի հարց են քննարկում, այլ յուրաքանչյուրը ցանկանում է ընդամենը ասել այն, ինչ որ ցանկանում է ասել, այսինքն՝ այն, ինչը իրեն է հետաքրքրում, և հեռանալ... 28:)
Title: Re: Մեր գրառումները
Post by: Ղուկաս Վահան on December 06, 2009, 01:54:14 PM
Ես շատ եմ  27:) խնդրում՝ արժեք տվեք ձեր խոսքին, գրածներին։
Վերջին շրջանում Սամվելի հետ մեր երկխոսությունը ընդհատվեց այն պարզ պատճառով, որ մեր թանկագին Սամվելը «Ամենաստեղծ Աստված» (http://lusamut.net/forums/index.php?topic=1655.20) թեմայում ինձ սկսեց պատասխանել ինչ–որ նոստրադամուսյան ալգորիթմներով։
Ի՞նչ անել։ Այս հերթական անելանելի վիճակում չպատասխանեցի իրեն։ Բայց դա լուծում չի։
Ցավում եմ, բայց ստիպված ենք լինելու ջնջել այդ գրածները։
Սամվել ջան, խնդրում եմ, ուշադիր եղեք, ես բազմիցս զգուշացրել եմ։ Թվում է, թե սահման կա, բայց եթե որոշել եք Ձեր ոճով շարունակել, ապա ասեմ, որ մենք էլ համբերատար կլինենք։ Կանոնակարգի համաձայն՝ եթե թեմային անհամապատասխան նկատվեն Ձեր գրածները, ջնջվելու են։
Խնդրում եմ ուշադիր լինել, դա ազդում է Ձեր վարկանիշի վրա։
Title: Re: Մեր գրառումները
Post by: Ղուկաս Վահան on July 25, 2010, 11:55:48 PM
Quote from: ani on July 24, 2010, 10:59:14 PM
Լիովին համամիտ եմ Ձեզ հետ Սամվել ջան: Ես էլ չեմ կարողանում ազատ մտածածս գրել` մտածելով որ դա թեմայից դուրս է:
...

Անի ջան, հայերին շատ հատուկ է խառնիխուռն արտահայտվելը, մի տեսակ դեսից–դենից։ Այդ պատճառով էլ հայկական ֆորումներում գերիշխում է վեճն ու արհամարհանքը, որի արդյունքում հայկական ֆորումները կարճակյաց են լինում։
Դժվար է հասկանալ հարցը և խոսել հարցի շուրջ, բայց երբ այն հաջողվում է, Ձեր գրածն ավելի է գնահատվում, որովհետև մարդիկ այդ թեմային առնչվող կարծիքներ են ցանկանում լսել։
Ինչևէ, կառաջարկեի այս թեման սկզբից կարդալ, եթե չեք կարդացել։
Title: Re: Մեր գրառումները
Post by: Ղուկաս Վահան on December 13, 2010, 01:20:36 AM
Շատ կարևոր է, որ թեմա բացողները «տեր կանգնեն» իրենց ստեղծած թեմային, և ժամանակին ֆորումի ադմինիստրացիային տեղեկացնեն թեմայից շեղումների մասին, որ այն քաոսային քննարկումների և անձնական վիրավորանքների չվերածվի։