Ինչպես ես եմ տեսնում, շատերը չգիտեն ինտերնետից ինչպես լավագույնս օգտվել, ուստի առաջարկում եմ այստեղ քննարկել ինտերնետից օգտվելու հնարավորությունների, ձևերի և մեթոդների մասին։ Յուրաքանչյուրը կարող է իր իմացությունները փոխանցել մյուսներին։
Կարծում եմ հատկապես Մասնագետը կարող է իր լավ ներդրումն ունենալ այս թեմայում։
Շնորհակալություն
Շատ լավ.
Առաջին նյութը, որ կուզենայի ներկայացնել, պարզ է, սակայն ոչ բոլորը կարող են տեղյակ լինել դրանից: Խոսքը <գծից դուրս> աշխատելու մասին է:
Բանն այն է, որ հատկապես <dial up> տեսակի կապից օգտվողները երկար ժամանակ կարող են ծախսել նամակներին կամ ֆորումային գրառումներին պատասխանելու և կայքեր այցելելու վրա: Իսկ նշանակում է, որ հեռախոսագիծն այդքան ժամանակ հարկադրված զբաղված է լինելու, դա էլ իր հերթին բերում է դրամական կորուստներ:
<Գծից դուրս>` <Offline> աշխատելու համար հարկավոր է պարզապես անջատել կապը` նախապես կատարելով բոլոր անհրաժեշտ գործողություններ` նամակներին, գրառումներին պատասխանելը,- ապա նորից միացնել կապը և ուղարկել անհրաժեշտ փոփոխությունները կամ պատասխանները: Արդյունքում ավելի արդյունավետ կտնօրինվի ժամանակը, և կլինեն նվազագույն կորուստներ: Մասնագիտական հաշվարկները ցույց են տալիս, որ 4-5 տողանոց մի քանի գրառումներ կատարելը կամ նամակներին մի այդքան պատասխանելը Online ռեժիմում խլում է մոտ 20 րոպե, մինչդեռ Offline ռեժիմում` ընդամենը 4-5 րոպե /մեկ-երկու րոպե ստանալը, երկու-երեք րոպե էլ` ուղարկելը/:
Offline ռեժիմի համար նախ անհրաժեշտ է արագ բացել բոլոր պատուհաններն առանձին-առանձին, կատարել անհրաժեշտ սեղմումները` reply, quote, answer /կամ նման մի սեղմում/, անջատել կապը, կատարել գրառումը և դարձյալ միացնելով կապը` սեղմել post, send կամ նման ուրիշ կոճակներ:
Հաջողությո՛ւն:
Շատ շնորհակալություն Մասնագետ ջան, քանի որ այժմ կապի այդ տեսակով չեմ օգտվում, չէի մտածել այդ մասին, կարծում եմ հետագայում կարող է շատ օգտակար լինել
Հաջորդ թեման, որ կուզենայի ներկայացնել, վերաբերում է անվտանգությանը:
Իսկ դուք գիտե՞ք, որ հարկավոր է օգտագործել միայն լիցենզավորված և օրինական հակավիրուսներ ու Windows կամ նման օպերացիոն համակարգ: Ցավոք, Հայաստանում չափազանց մեծ թիվ են կազմում <կոտրված> և ծովահենային օրինակները նման ծրագրերի: Իսկ անվտանգության միակ երաշխիքը դրանց օրինականության մեջ է: Այդ դեպքում այն ֆիրման, որն արտադրել է տվյալ ծրագիրը, շատ մեծ պատասխանատվություն է կրում հնարավոր չարիքների ու հարձակումների համար: Այդ ֆիրմաները լրջորեն են աշխատում, ամեն օր`թարմացնելով իրենց բազան: Իսկ ծովահենային տարբերակների համար նրանք
ԵՐԲԵՔ ՉԵՆ ԿՐՈՒՄ ՊԱՏԱՍԽԱՆԱՏՎՈՒԹՅՈՒՆ:
Ինտերնետային անվտանգությունը հարկավոր է կազմակերպել օրինական ու լավ հակավիրուսի առկայության դեպքում միայն: Չեմ կարող գովազդել, սակայն մեկ-երկու սկզբունք կարող եմ տալ /իմ կարծիքը, եթե կուզեք, կարող եմ մասնավոր հաղորդագրությամբ տալ/:
Հակավիրուսը պետք է ամենօյա թարմացման խնդիր կամ խոչընդոտ չունենա: Ինտերնետի չգոյության դեպքում հարկավոր է թարմացումները որոշակի պարբերականությամբ վերցնել ինտերնետ ունեցող համակարգչից, ապա այն ներդնել տվյալ համակարգչի մեջ:
Տվյալ հակավիրուսը պետք է համագործակցի ինտերնետ բրաուզերի հետ` ստուգելով տվյալ կայքի կամ փոստի
ԱՄԲՈՂՋԱԿԱՆ ՊԱՐՈՒՆԱԿՈՒԹՅՈՒՆԸ:Հակավիրուսը չպետք է դժվարությունների ու դանդաղեցումների պատճառ դառնա:
Հակավիրուսը պետք է ռեգիստրացիաներին (registration entry.. *.reg) էլ հետևի` կանխելու համար աննկատ այնտեղ տարածվող չարանենգ հրահանգներ:
Quote from: Masnaget on October 02, 2008, 05:55:22 PM
Շնորհակալություն
Շատ լավ.
Առաջին նյութը, որ կուզենայի ներկայացնել, պարզ է, սակայն ոչ բոլորը կարող են տեղյակ լինել դրանից: Խոսքը <գծից դուրս> աշխատելու մասին է:
Բանն այն է, որ հատկապես <dial up> տեսակի կապից օգտվողները երկար ժամանակ կարող են ծախսել նամակներին կամ ֆորումային գրառումներին պատասխանելու և կայքեր այցելելու վրա: Իսկ նշանակում է, որ հեռախոսագիծն այդքան ժամանակ հարկադրված զբաղված է լինելու, դա էլ իր հերթին բերում է դրամական կորուստներ:
<Գծից դուրս>` <Offline> աշխատելու համար հարկավոր է պարզապես անջատել կապը` նախապես կատարելով բոլոր անհրաժեշտ գործողություններ` նամակներին, գրառումներին պատասխանելը,- ապա նորից միացնել կապը և ուղարկել անհրաժեշտ փոփոխությունները կամ պատասխանները: Արդյունքում ավելի արդյունավետ կտնօրինվի ժամանակը, և կլինեն նվազագույն կորուստներ: Մասնագիտական հաշվարկները ցույց են տալիս, որ 4-5 տողանոց մի քանի գրառումներ կատարելը կամ նամակներին մի այդքան պատասխանելը Online ռեժիմում խլում է մոտ 20 րոպե, մինչդեռ Offline ռեժիմում` ընդամենը 4-5 րոպե /մեկ-երկու րոպե ստանալը, երկու-երեք րոպե էլ` ուղարկելը/:
Offline ռեժիմի համար նախ անհրաժեշտ է արագ բացել բոլոր պատուհաններն առանձին-առանձին, կատարել անհրաժեշտ սեղմումները` reply, quote, answer /կամ նման մի սեղմում/, անջատել կապը, կատարել գրառումը և դարձյալ միացնելով կապը` սեղմել post, send կամ նման ուրիշ կոճակներ:
Հաջողությո՛ւն:
Masnaget es ete qo asaci pes varvem apa kxelagarvem,vorovhetev erb internets anjatvum e djvarutyamb e mianum shat depqerum chem karoxanum mek orum kpnel,depqer en exel vor 1-2 jam charcharvel em,isk sovorakan depqerum hing rope tevum e,dra hamar el zzvel em ays shabatva mej poxelu em internets:
Ի՞նչ կապ եք օգտագործում։
Մասնագետ, իմ վերջին տեղեկատվությունից հետո, երբ այն ուղարկեցի բոլորին, պարզվեց, որ շատերը չգիտեն, թե ինչ է «Բրոուզեր»–ը։ Ես դիտավորյալ այս բառը չթարգմանեցի, նախ որովհետև համարժեք հայերենը չգտա, երկրորդ՝ որոշ օտար բեռեր քանի որ իրենց հայերենը չունեն, ուստի իմաստ չեմ տեսնում շինծու բառեր ստեղծել և կարծում եմ փոխառելով այս բառերը հարստացնում ենք նաև հայերենը։ Օրինակ իմաստ չեմ տեսնում «file» բառի համարժեքը ունենալ, երբ այն կարելի է հանգիստ օգտագործել, ինչպես նաև օրինակ «site» բառը ողջ աշխարհը օգտագործում է անգլերենից փոխառված տարբերակը, մինչդեռ մենք չգիտես ինչու պետք է ասենք՝ կայք, որն ըստ իս այնքան էլ չի արտահայտում բառի ողջ իմասը։ Ըստ իս կարելի էր շատ հանգիստ օգտագործել «սայթ» տարբերակը։
Ինչևէ, այստեղ հաճելի կլիներ լսել բացատրությունը «Բրոուզեր»–ի և «toolbar»–ի։ Այս վերջին բառի համարժեք հայերենն էլ չեմ գտնում։
Ինձ թվում է մյուսներին էլ հաճելի կլինի իմանալ, թե ինչ են այս երկուսը և ինչքանով են այս երկուսը դյուրացնում ինտերնետից օգտվելուց։
Չէ, նկատի ունեմ ո՞վ է տրամադրում այդ կապը։
Ամեն դեպքում web.am փորձիր, ես երբեմն օգտվում եմ այդ կապից, վատը չէ։
Շնորհակալություն:
Ամեն դեպքում, կարծում եմ, որ եթե օգտագործողները կարողանում են օգտվել ինտերնետից, ապա գոնե նվազագույն պատկերացում ունեն կամ պետք է որ ունենան:
Տեսնենք, թե ի՛նչ է նշանակում Browser տերմինը: Դրա ամենահարմար իմաստը, որ կարելի է այստեղ քիչ թե շատ հասկանալ, <որոնողական համակարգն> է: Անգլերեն բառն ունի ավելի ընդարձակ իմաստներ, որոնց կարիք չկա անդրադառնալու:
Այսպես, երբ մեզ որևէ աշխատանք է հարկավոր լինում կատարել, մենք գործածում ենք այդ աշխատանքի համար նախատեսված միջոցը` գործիքը: Ինտերնետ կամ համացանց ասվածը վիրտուալ` ոչ նյութական թվային տարածք է, որտեղ կան բազում անհատական համակարգիչներ, համակարգչային ցանցեր ու գերհամակարգիչներ: Երբ մենք օգտագործում ենք մեր համակարգիչը փակ համակարգում` առանց ինտերնետի կամ արտաքին աշխարհի հետ հաղորդակցման, մեր համակարգիչն ինքն է դառնում գործիք` կատարելու համար այս կամ այն աշխատանք` խմբագրում, ձայնագրում, շարվածք, մորտաժ և այլն: Բայց արտաքին աշխարհի կամ ինտերնետի հետ կապ ունենալու համար հարկավոր է, որ մեր անհատական համակարգիչը միանա ցանցային լարով, հեռախոսալարով կամ ուրիշ միջոցով: Սրանք նյութական միջոցներն են:
--Իսկ երբ ամեն ինչ պատրաստ է, համակարգչին հարկավոր է հատուկ ծրագիր, որին դիմելով միայն կկարողանա վերջնականապես միանալ համացանցին: Այդպիսի ծրագիրը կոչվում է զննարկիչ կամ ավելի տարածված` բրաուզեր: Սա այսպես ասած` աննյութական միջոցն է: Այն թույլ է տալիս պատուհանի մեջ խմբավորել որոնելիք հասցեն, որոնման արդյունքները և դիտել այն:
Բրաուզերը բաղկացած է հիմնական մի քանի դաշտերից` ստանդարտ մենյուներ, որոնց մեջ խմբված են ստանդարտ գործիքները, հիմնական և արագ որոնման դաշտեր, որոնցում գրվում է որոնվելիք կայքի հասցեն, տեսանելի տարածք, որտեղ երևում են փնտրման արդյունքները, կարգավիճակային գոտի, որտեղ գրվում են հավելյալ տեղեկություններ որոնման կարգավիճակի, ինչպես նաև ժամանակային հապաղման, և գերհղումների (link) հասցեներ:
Կախված այն հանգամանքից, թե ի՛նչ օպերացիոն համակարգ ենք օգտագործում, զննարկիչը կամ բրաուզերը կարող է լինել այս կամ այն տեսակի, այս կամ այն ֆիրմայի արտադրության և տարբեր հիմնատեսք կարող է ունենալ: Առավել հայտնի են` Mozilla Firefox (Mozilla), Internet Explorer (Microsoft), Opera (OpenSSL) և այլն:
Բրաուզերները հիմնական միջոցն են, որոնց միջոցով կարողանում ենք մուտք գործել համացանց: Իսկ այդ միջոցն իր հերթին կարող է ունենալ <ենթամիջոցներ>, որոնք միանալով և համագործակցելով ստանդարտ գործիքների հետ` այս կամ այն չափով օգնում են ավելի արդյունավետ կազմակերպել որոնման կամ մուտքի գործընթացը:
Այսպես, գոյություն ունեն ֆիլտրեր, որոնք արգելում են 41:) հատկորոշ կայքեր այցելելը, կան գործիքամիջոցներ, որոնք հետևում են ինտերնետի երթևեկին (traffic), և որոշակի սահման անցնելիս զգուշացնում են 5:) օգտագործողին, որոշ գործիքամիջոցներ, որոնց արագացնում են ինտերնետի երթևեկը և այլն: Մի խումբ էլ կազմում են այն գործիքները, որոնք որոշ սայթերի կողմից առաջարկվում են` ամբողջական դիտում ստանալու համար (օրինակ` Flesh Player (Macromedia, Adobe) ծրագիրը` անիմացիոն էֆեկտներ ունեցող կայքեր դիտելու համար):
Այս խմբին անվանում են պարզապես tool(s)` գործիք(ներ), իսկ այն ձողը կամ տողը, որի վրա երևում են այդ գործիքները` tool+bar /գործիք+ձող/:
Այժմ գործիքաձողի (թույլ տվեք պայմանականորեն այդպես անվանեմ դրան) ավելի լայն հնարավորություններն են նկատվում` ռադիոունկնդրում, արագ որոնում, զրուցակից (chat), լուրերի արագ դիտում և այլն:
Հավելեմ, որ գործիքաձողի աշխատանքը կարելի է կարգավորել (թողարկել կամ կասեցնել աշխատանքը) հենց toolbars մենյուի միջոցով (առավելաբար` View վայր ընկնող մենյուի ենթաբաժիններո՛ւմ փնտրեք):
Մեկ էլ` տվյալ կայքի կամ ֆիրմայի կողմից առաջարկված օժանդակ գործիքների մասին կարելի է դատողություններ անել և օգնություն ստանալ հենց իրենցից` հետևելով ցուցումներին և հրահանգներին:
Հ.Գ.
Windows Explorer հրամանակարգը կարող է փոխարինել Internet Explorer բրաուզերին` հասցեների տողի միջոցով: Պարզապես հարկավոր է այնտեղ գրել տվյալ կայքի հասցեն, սեղմել Enter ստեղնը, և Windows Explorer -և կդառնա կամ կվերափոխվի Internet Explorer բրաուզերի: 18:)
Դրա համար թողարկե՛ք My computer կամ My Documents կամ էլ նման մի պատուհան, հասցեների տողնում գրե՛ք, օրինակ www.lusamut.net/forums և... կհայտնվեք ինտերնետում:
Շնորհակալություն, որ անդրադարձար 18:)
Հուսամ օգտակար եղավ մյուսների համար։
Quote from: Admin on October 13, 2008, 11:42:28 PM
Չէ, նկատի ունեմ ո՞վ է տրամադրում այդ կապը։
Ամեն դեպքում web.am փորձիր, ես երբեմն օգտվում եմ այդ կապից, վատը չէ։
Henc WEB ic em ogtvum,bayc ays shabat hzor internet em qashelu,shat em zzvel ays kapic:
Հմմ 9:) հենց հիմա Վեբի վրա եմ։ Ասեմ, որ դժգոհ չեմ։
Quote from: Admin on October 15, 2008, 12:03:02 AM
Հմմ 9:) հենց հիմա Վեբի վրա եմ։ Ասեմ, որ դժգոհ չեմ։
Nax nshem vor mer heraxos@ tvayin chi,de Avanum der chen tvaynacrel,isk heto asem vor angam dzer kapov cheq karoq mec megabayterov informacia bernatapel,isk da indz shat e nexum,chem karoxanum,cragrer,xaxer,videoner bernatapel ev ayln:
Այս թեմայի մեջ ուզում եմ անդրադառնալ այն հարցին, թե ինչպես Լուսամուտից լավագույնս կարելի է օգտվել։ Չէ որ այն ևս ինտերնետի մի մասնիկն է։ Հաճախ նկատելի է, որ մարդիկ Լուսամուտում համապատասխան նյութը կարդացած չլինելով հանդերձ «Լուսամուտ երկխոսության» ֆորումում, այն է՝ այստեղ, միանգամից թեմա են բացում և սկսում են իրենց հարցը շարադրել։ Անշուշտ շատ գովելի և խրախուսելի է այս անմիջականությունը, սակայն որպեսզի Ձեր հարցի պատասխանը շուտ գտնեք կամ Ձեր փնտրտուքը ավելի արդյունավետ լինի, ուստի առաջարկում եմ օգտագործել մեր ստեղծած գործիքները (toolbar-ը) և Ձեզ հետաքրքրող հարցի պատասխանը փնտրեք Լուսամուտի էջերում։ Ֆորումում շատ հեշտ է, այնտեղ ուղղակի փնտրելու գործիքը կա։ Սկզբում փնտրեք Ձեր թեման, գուցե այն ինչ որ մեկի կողմից արդեն բացվել է։ Այնուամենայնիվ նշեմ, որ այստեղից կարող եք փնտրում կատարել միայն ֆորումում։ Սայթի հիմնական հատվածում դեռ առանձին փնտրող համակարգ չենք տեղադրել, բայց գուցե Ձեր հարցի պատասխանը հենց այնտեղ եղած նյութերի մեջ է։ Այս պահին կարող ենք առաջարկել վերոնշյալ գործիքի փնտրող համակարգը, որտեղից կարող եք փնտրել ուղղակի Լուսամուտի բոլոր էջերում եղած նյութերում Ձեզ հետաքրքրող հարցը։ Ի վերջո, ֆորումը սայթի հիմնական բաժիններին որպես հետևանք է դրված, այսինքն՝ որպեսզի նաև այնտեղի դրված նյութերի հետ առնչվող հարցերի քննարկում լինի այստեղ։
Այսպես նաև ստիպված չենք լինի ամեն անգամ ասել՝ նայեք այսինչ նյութը, հետո քննարկենք։
Սա նկատողություն չէ որևէ մեկին, այլ հստակեցում, որ լավ օգտագործենք Լուսամուտի ընձեռած հնարավորությունները։
Հ.գ.
Վահագ, քո պատճառաբանությունը հասկանալի էր։ Իրավունք ունես, ամեն դեպքում հայկական կապերը դեռ շատ թույլ են։
Ինչպես գողանալ (նյութեր)
Արդեն ներկայացրել եմ <գծից դուրս> ինտերնետի մասին: Հերթական խոսքս նմանատիպ երևույթի մասին է` <ֆայլեր` առանց ինտերնետի>:
Երբ մենք համացանցում ճամփորդում ենք, մեր համակարգիչը որոշակի գրառումներ է կատարում մեր այցելած կայքերի և դրանց նյութերի վերաբերյալ` ֆիլմերի, երաժշտության, նկարների և այլն: Կախված նրանից, թե ի'նչ բրաուզեր ենք օգտագործում, մեր համակարգչում <տպված> նյութերը կարող են տեղադրված լինել տվյալ բրաուզերի <cache> թղթապանակում:
Նորից եմ նույն բանն ասում` արդեն այլ ձևակերպումով: Լսե'ք:
Եթե ցանկանում ենք մեր` արդեն այցելած կայքերից բեռնավորել արդեն դիտած ֆիլմը, նկարը, լսած երաժշտությունը և այլն, ապա կարիք չկա բեռնավորող հատուկ ծրագրով <download> անել: ԴՐԱՆՔ ԱՐԴԵՆ ՄԵՐ ՀԱՄԱԿԱՐԳՉՈՒՄ ԵՆ: Պարզապես հարկավոր է մուտք գործել բրաուզերի տվյալ թղթապանակը և ... վերցնել: Չե՞ք հավատում:
Ասեմ, որ այս թղթապանակները թաքցված են: Այնպես որ բացե'ք թաքցված թղթապանակները դիտելու հատկությունը <show hidden files and folders> և անցեք առաջ (<Folder options> մենյուից):
Ֆայրֆոքսում մտեք`
C:\Documents and Settings\տվյալ օգտագործողի անունը\Local Settings\Application Data\Mozilla\Firefox\Profiles\5ubbrphn.default\Cache
և կտեսնեք նման անվանումներով ֆայլեր`
94B2C7E1d01
D07E27B1d01
Բացե'ք ընդլայնումները (extension): Ընդլայումը տվյալ ֆայլի կամ նյութի տեսակն է: Վա՜յ... չհասկացաք, չէ՞: Ավելի մանրամասն եմ բացատրում: Երաժշտական ֆայլերի ընդլայնումը ձեզ արդեն ծանոթ .mp3-ը, .wma-ն և նմանատիպ գրառումներն են` անվանումից հետո: Գրենական ծրագրերի համար` .doc-ը, .txt-ը և այլն: Նկարների համար կլինեն .jpeg, .png, .gif - ը: Հասկացա՞ք: Անցնեմ առաջ:
Ի՞նչ էի ասում... հա, տեսա՞ք նման ֆայլեր`
94B2C7E1d01
D07E27B1d01
Դրանց ընդլայնումը միայն ֆայրֆոքսին է հասկանալի: Եթե բացեք ընդլայնումը տեսնելու հատկությունը (<folder options> կոչվածի <hide extensions for known file types> -ի նշումը հանելով), ապա կկարողանաք դրանց ձեր ցանկացած ընդլայնումը տալ:
<Hide extensions for known file types> -ի նշումը հանելով կարող եք նույն ֆայլերի` ձեր ցանկացած ընդլայնումով տարբերակներն ստանալ անվանափոխելով (rename)`
94B2C7E1d01.jpg
D07E27B1d01.mp4
և այլն:
Ասեմ, որ նույնիսկ կարելի է <Hide extensions for known file types> -ի նշումը չհանել: Այսպես էլ կարող ենք նույն rename-ով տալ նույն ընդլայնումները:
Հավելեմ, որ պարզապես հարկավոր է ճիշտ կողմնորոշվել տվյալ ֆայլի` այս կամ այն տեսակին պատկանելը որոշելիս:
Օպերայում`
C:\Documents and Settings\տվյալ օգտագործողի անունը\Application Data\Opera\Opera\profile\cache4
Այստեղ գործն ավելի հեշտ է: Այստեղ ֆայլերն արդեն <կողմնորոշում> ունեն և հետևյալին նման անվանումներ
opr004L2.jpeg
opr004MO.png
Տեսա՞ք...
Հեշտ է, չէ՞: 40:)
Իսկ դուք ուզում էիք ձեր լսած երգը բեռնավորել.... 26:) Միանգամից վերցրեք էլի 39:), ինչի՞ իզուր նորից ծախս անեք 14:):
Մասնագետ, շատ լավն էր. փորձեցի, 39:)
Ինչ անտիվիրուս խորհուրդ կտաք.......... հատկապես Մասնագետը???:
avast.com
http://2ip.ru/
Ներկայացնում եմ մի քանի կայքերի հղումներ, որտեղ կարող եք անվճար ստուգել ձեր համակարգիչը օնլայն ռեժիմում: Խորհուրդ եմ տալիս հաճախակի կատարել հակավիրուսային ստուգումները և տարբեր կայքերի միջոցով:
Ահա մի քանիսը, որ ես խորհուրդ եմ տալիս.
http://housecall.trendmicro.com/
http://www.bitdefender.com/scanner/online/free.html /Internet Explorer ծրագրով/
http://www.kaspersky.com/virusscanner
http://www.eset.com/onlinescan/
http://www.pandasecurity.com/homeusers/solutions/activescan/
Սիրելի՜ լուսամուտցիներ: Արդեն որերորդ անգամն է, ինչ բողոքներ են գալիս այս կամ այն մասնակցի` Լուսամուտ ֆորումում ունեցած անձնական փոստարկղի անհասանելիության մասին: Այս անհասանելիության պատճառը մեկն է` նամակների մեծ քանակը:
Որևէ մասնակցի կողմից ուղարկվող նամակ, մեկ ուրիշ մասնակցի` նամակներով լեցուն փոստ ուղարկվելով, տեղ չի հասնում և հետ է ուղարկվում:
Խորհուրդ է տրվում այստեղ /և այլուր/ պարբերաբար հետևել փոստարկղի լցվելուն, դասակարգել, զտել և դուրս բերել կարևոր ու անկարևոր նամակները, երբեմն էլ ամբողջությամբ դատարկել անձնական փոստը:
Այս խորհուրդս հատկապես հոգևորականներն է ուղղվում, որովհետև Լուսամուտ ֆորումի մասնակից հավատացյալները շատ հաճախ իրենց հարցերը անձնական նամակների (PM) տեսքով են ուղարկում հոգևորական խմբի անդամներին, այնպես որ խիստ ցանկալի է, որ ԲՈԼՈՐԸ ՀԵՏԵՎԵՆ ԻՐԵՆՑ ՓՈՍՏԱՐԿՂԻ ՄԱՔՐՈՒԹՅԱՆԸ:
Շնորհակալություն:
....Ինչ միջոցների պետք է դիմել տհաճ պատահականություններից խուսափելու համար
Ինչպես խուսափել նամակը սխալ հասցեատիրոջ ուղարկելուց (հասցեատիրոջը սխալ նամակ ուղարկելուց)
Մի երկու շատ պարզ միջոց կա: Նախ դատարկ թողեք այն տողը, որտեղ նշվում է հասցեն (address field):
Մեկ ուրիշ միջոց է այդ տողում սեփական էլփոստի հասցեն գրելը: Այս դեպքում եթե նույնիսկ պատահաբար սեղմեք ուղարկել (Send) կոճակը, անպատրաստ նամակը սխալմամբ հասցեատիրոջը չի հասնի: Ամենավերջո'ւմ միայն գրեք հասցեատիրոջ անունը կամ փոստի հասցեն: Այսքան բան:
Եվս մի քանի խորհուրդներ էլփոստով նամակ կամ հաղորդագրություն գրելու և ուղարկելու վերաբերյալ.
1. Մի ավելորդ անգամ ևս կարդացեք ուղարկվելիք նամակը.
2. Ճիշտ վերնագիր ընտրեցեք.
3. Նամակը վերահասցեավորելու (forward) ժամանակ բուն տեքստի վանդակում կարող են հայտնվել ավելորդ գրություններ. մաքրեք դրանք վերահասցեավորելուց առաջ.
4. Նախապատվությունը տվեք հասարակ կամ ընդարձակ տեքստային ձևաչափին (Plain Text format). HTML ձևաչափով ուղարկվողը ճիշտ է, ավելի լայն հնարավորություններ ունի, սակայն միշտ չէ, որ հասցեատերը կարողանում է ձևավորված նամակը հենց նույն տեսքով կարդալ.
5. Օգտագործեցեք թարմացված հակավիրուս նամակներն ստուգելու համար.
Հայաստանի Կենտրոնական բանկը զգուշացնում է, որ վերջին շրջանում հաճախակիացել են դեպքերը, երբ քաղաքացիներին էլեկտրոնային փոստով (e-mail) կամ բջջային հեռախոսակապի տեքստային հաղորդագրությունների միջոցով (SMS) կատարվում են առաջին հայացքից խիստ գրավիչ առաջարկներ, որոնք իրականում իրենցից ներկայացնում են աշխարհում բավականին լայն տարածում գտած խարդախության սխեմաների բաղկացուցիչ մասեր:
ԿԲ-ի հասարակայնության հետ կապերի ծառայության հաղորդագրության մեջ, մասնավորապես, ասված է.
«Այդ առաջարկները պայմանականորեն կարելի է բաժանել մի քանի խմբի.
1. Գերազանց պայմաններ
Քաղաքացիներին առաջարկվում են չափազանց գրավիչ պայմաններով որոշակի գործարքներ (գնումներ, ներդրումներ եւ այլն): Մասնավորապես, առաջարկվում է. ա) կատարել ներդրումներ ինչ-որ օտարերկրյա ընկերության արժեթղթերում, որոնց եկամտաբերությունը կազմում է տարեկան 100 տոկոս, բ) սիմվոլիկ կամ փոքր գումարով ձեռք բերել արժեքավոր իր, գ) որոշակի գումարի դիմաց ձեռք բերել յուրահատուկ ապրանքներ, որոնք հնարավոր է ձեռք բերել բացառապես առաջարկվող տարբերակով (էլեկտրոնային փոխանցման միջոցով), ընդ որում նշվում է, որ ապրանքների իրական արժեքը մի քանի անգամ բարձր է առաջարկվող գնից:
2. Աջակցություն
Քաղաքացիներին առաջարկվում է ինչ-ինչ գործարար նախաձեռնությունների շրջանակում ցուցաբերել որոշակի աջակցություն` շռայլ վարձատրության դիմաց: Մասնավորապես, առաջարկվում է. ա) բանկերից մեկում բացել բանկային հաշիվ, այնուհետեւ դրամական արագ փոխանցումների որեւէ համակարգով ստանալ միջոցներ, մուտքագրել այդ միջոցները բացված բանկային հաշվին եւ փոխանցել նախանշված ուղղությամբ, բ) գրանցել իրավաբանական անձ եւ համաձայն ստացված ցուցումների որոշակի անձանց հետ մտնել իրավապայմանագրային հարաբերությունների մեջ (կնքել առուվաճառքի շինծու պայմանագրեր, տրամադրել հաշիվ ապրանքագրեր եւ այլն): Ընդ որում, «ա» եւ «բ» տարբերակները երբեմն առաջարկվում են համակցության մեջ (երկրորդը հաջորդում է առաջինին):
3. Ժառանգություն կամ շահում
Քաղաքացիները տեղեկացվում են, որ ստացել են ժառանգություն կամ շահել են խոշոր գումար, որոնց ձՅակերպման եւ հետագա տնօրինման համար անհրաժեշտ է վճարել որոշակի գումար: Ընդ որում, եթե խարդախները լավ տեղեկացված են, հնարավոր է, որ նամակը կամ հաղորդագրությունը ստացվի անվանականՆ արտասահմանում բնակվող ինչ-որ ծանոթի կամ բարեկամի անունից:
4. Աշխատանք տանը
Քաղաքացիներին առաջարկվում է վաստակել գումարներ առանց տնից դուրս գալու, մասնավորապես` փոստով ուղարկել անձնագրի վավերացված պատճենները եւ ժամանակ առ ժամանակ ստորագրել որոշակի փաստաթղթեր եւ դրանք տալ նոտարական վավերացման:
Ընդ որում վերոնկարագրյալ բոլոր տարբերակներում առաջին իսկ հաղորդագրությամբ կամ հետագայում քաղաքացիներից պահանջվում է ուղարկել որոշակի գումար, իբր «կազմակերպչական» ինչ-ինչ խնդիրներ լուծելու համար»:
ՀՀ ԿԲ-ի Ֆինանսական դիտարկումների կենտրոնը զգուշացնում է, որ վերոնկարագրյալ պատահական առաջարկներն իրենցից ներկայացնում են մարդկանց վստահություն չարաշահելու միջոցով խարդախության ճանապարհով գումար վաստակելու միջոց, որում ներքաշված դյուրահավատ անձինք ի վերջո կարող են կրել լուրջ ֆինանսական վնասներ: Նմանատիպ խարդախություններ կատարվում են մի շարք երկրներում, ինչի «զոհ» են դառնում բազմաթիվ քաղաքացիներ:
Ֆինանսական դիտարկումների կենտրոնը քաղաքացիներին հորդորում է ձեռնպահ մնալ նմանօրինակ հաղորդագրություններին որեւէ կերպ արձագանքելուց եւ նկարագրված սխեմաների մասին որեւէ էական տեղեկատվություն ունենալու, այդ թվում` դրանց մեջ ՀՀ որեւէ քաղաքացու կամ իրավաբանական անձի ներգրավվածության դեպքում տեղեկացնել` 54-50-88 կամ 56-16-01 հեռախոսահամարով կամ ուղարկել հաղորդագրություն info_fiu@cba.am էլեկտրոնային փոստին (տեղեկությունների գաղտնիությունը երաշխավորվում է):