Բազմիցս առիթ ենք ունեցել զգուշացնելու, որ «Լուսամուտ երկխոսության» ֆորումը քննարկումների համար է, և ոչ թե նյութեր տեղադրելու կամ այլ ձևերի մոնոլոգ ինքնարտահայտման դրսևորումների, ուստի պետք է որ փակած լինեինք «Օրագիր» ենթաբաժինը, բայց չէինք փակում՝ մտածելով այդտեղի նյութերը տեղափոխել «Բլոգերի» բաժին, եթե այն վերաակտիվացնեինք, բայց քանի դեռ տեխնիկական պատճառներով այն վերաակտիվացված չէ, ուստի սառեցվեց այս ենթաբաժինը, սակայն չարգելափակվեց։ Այսու, նկատի ունենալով, որ «Օրագիր» ենթաբաժինը այս պահին չի ծառայում իր նպատակին, ապաակտիվացնում ենք այն։
Եթե այլ կարծիքներ կան, գրեք։
Սուտ կխոսեմ, եթե ասեմ, որ դա ինձ չտխրեցրեց: Ինչ արած. հանդեսը Դուք եք ղեկավարում և ինչպես ցանկանաք` այնպես էլ կլինի: Միայն մեկ հարց, եթե կարելի է: Ինչպե՞ս վերաբերվել, ասենք, "Ստեղծագործում է Մասնագետը" բաժնին, կամ բանաստեղծություններին, որոնք ուրիշներն են գրել: Արդյո՞ք դրանք ինչ-որ բանով տարբերվում են "Օրագրից": Միայն թե խնդրում եմ, դրանք էլ մի ջնջեք հանկարծ:
