Կարծում եմ, որ բոլորս էլ գիտենք, թե Հայաստանյայց առաքելական եկեղեցու տաղավար տոները որոնք են, թե` ոչ
, լավ, ասեմ, որ դրանք հինգն են`
1, Սուրբ Ծննդյան,
2,Սուրբ Հարության
3,Պայծառակերպության
4, Վերափոխման
5, Խաչվերաց,
Իսկ բոլոր տաղավար տոներին հաջորդում է մեռելոց օրերը, երբ բոլոր եկեղեցիներում մատուցվում է Սուրբ Պատարագ, և կատարվում է հոգեհանգստյան արարողություն բոլոր հին և նոր ննջեցյալների հոգիների հանգստության համար:
Հունիսի 29-ին Վարդավառ է կամ Պայծառակերպության օրը, որին հաջորդող երկուշաբթին նույնպես մեռելոց է:
Ուզում եմ տեղեկացնել ու շնորհավորել բոլորիս այն առիթով, որ մեր Կառավարությունը որոշում է կայացրել, որ այսուհետ տաղավար տոներին նախորդող շաբաթ օրերը լինելու են աշխատանքային օր, իսկ դրան հաջորդող երկուշաբթի օրերը` մեռելոց օրերը հանգստյան:
Կարծում եմ, որ կարող ենք արձանագրել ևս մեկ առաջընթաց մեր հոգևոր կյանքում, քանի որ այս քայլի մեջ կան մի շարք դրական ու լուսավոր կետեր: Բացի այն, որ մեր պետությունը ցույց է տալիս, որ մեր եկեղեցու կողքին է, նաև սա կարևոր է նաև մեր ժողովրդի հոգևոր գիտակցության բարձրացման հարցում, քանի որ մարդիկ այսուհետ գիտակցումով կմոտենան ու այլևս պատճառաբանություններ չեն բռնի, որ կիրակի տոնական օրերին են այցելում գերեզմաններ:
Եկեք մեկընդմիշտ հիշենք, որ տոն օրերին պետք է միայն ուրախանալ, փառավորել ու գոհություն հայտնել Տիրոջից:
